Lau gazte atxilotu dituzte jendarmeek Ipar Euskal Herrian
Polizia operazioa izan da Euskal Herrian. EHkZ guneak jakinarazi duenez, lau dira atxilotuak: Jean François Magis Itsasun, Alex Feldmann Arrosan eta Haitz Agirrebarrena eta Teo Salomon Baionan. Pauera eraman dituzte.
Atxilotuak askatuz egindako pintaketa Baionan (Arg: Aitzina)
EHkZ-k jaso duenez, 2013ko azaroan Itsasun "EH ez da salgai" lemapean egindako ekintza batengatik atxilotu dituzte. Berriaren arabera, halako beste zenbait ekintza lehenago ere egin dira, Aiherran (Baxenabarre), Ezpeletan (Lapurdi) eta Heletan (Baxenabarre), esaterako.
Arratsalderako elkarretaratzeak deitu dituzte: Baionako herriko etxean 18:30ean, Itsasuko herriko etxean 18:30ean eta Arrosako zubian 19:00etan.