Sarreren Berme Errentak eskaintzen duen babesetik kanpo dago herritar behartsuen laurdena EAEn. Sistemaren funtzionamenduarekiko ezagutza falta edo ezarritako baldintzak ez betetzea dira arrazoiak, Arartekoaren esanetan.
Pobrezian bizi diren familien %30 laguntzen bidez aurrera ateratzen dela adierazi du Arartekoak. %43ri laguntzak iritsten zaizkion arren, ez dira nahikoa pobreziatik ateratzeko. %26 ez da laguntzak eskuratzera iristen.
Sistemaren eraginkortasuna ez da guztizkoa beraz, eta pobrezia egoeran bizi den herritarren ia laurdena babesik gabe gelditzen da. Egun, Sarreren Berme Errenta jasotzen duten 64.190 herritar daude EAEn.
2013an 2.000 pertsona gehiagok eskatu zuen errenta laguntza. 2014ko lehen hiruhilekoan, berriz, 1.373 pertsonakoa izan da igoera.
Kopurua handitzen ari dela adierazi du Arartekoak: batez beste, egunero 20 pertsona gehiagok eskatzen du laguntza mota hau.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]