Lasarteko preso politikoen hitzak herrira ekartzen dituen emanaldia abenduaren 30ean izango da


2017ko abenduaren 21an - 08:39

Harresi guztien gainetik, sarraila guztien azpitik izenburua darama Lasarten urterokoa bihurtu den emanaldiak, eta aurtengoa VIII.a izango da. Antolatzaileetako batek azaldu digunez, presoen hitzak herrira ekartzea du ekimen honek helburu, kultura izanik lokarri. Egun lau preso politiko ditu Lasartek: Aitzol Iriondo, Xanti Arrospide, Jabi Gallaga eta Ibon Fernandez. Hauen eskutitz, audio eta sormen lanak izango dira ikus-entzungai abenduaren 30ean, 19:30ean, Lasarte-Oriako Kultur Etxean. Bi preso politiko gutxiagoren hitzak taularatuko dituzte Lasarteko herritarrek aurtengo emanaldian, Rafa Diez eta Pello Eskisabel aurten atera baitira kalera.

Aurtengo kolaborazio bereziak

Antolatzaile honek azaldu digunez, Aitzol Iriondok idatzitako antzerki gidoia izango da oinarria, eta Iriondok urtero lotzen ditu Lasartez kanpoko preso politikoen kolaborazio bereziak. Aurten, Mikel Antzaren mikropoesiak eta Itziar Morenoren poesiak ere taularatuko dituzte. Lasarteko herritarrak dira emanaldia egiten dutenak, batzuek antzerkia eginez, besteek dantza, musika joz, irakurriz...


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude