Larri dago Takbat Haddi semearen hilketa salatzeko gose greba hasi zuen sahararra
Bere semea zen Mohamed Lamin Haidalaren hilketarengatik egindako protesta amaitutzat jo du Haddik. Zenbait iturriren arabera, kolono marokoarrek emandako jipoi baten ondorioz hil zen joan den otsailaren 8an.
Heriotza argitzeko kasua Haidalaren anaiak abiarazi zuen. Ustez, gertaera manifestazio batean jazo zen. Gazteak agure bat babestu zuen poliziak kargatu zuenean. Horren ondorioz, poliziak Haidala larriki zauritu eta kartzelaratu zuen. Tarte horretan hiru aldiz eraman zuten erietxera. 48 ordu ostean libre geratu zen eta ordu batzuen ostean hil egin zen.
Gertaera salatzeko bere amak 36 egun eman ditu gose greban. Joan den astean –hilabete jan gabe eman ondoren–, ahotik odola isurtzen hasi zen. Hala ere, Haddik elikagairik jan gabe jarraitu zuen, baina egoera okertu eta ostiraletik erietxean dago ingresatuta. Errefuxiatuen laguntza taldeetatik jakitera eman dutenez, bere egoera oso larria da.
Haddik maiatzaren 16an Las Palmasko (Kanaria Handikoa) kontsulatuaren parean hasi zuen bere semearengatik justizia eskatzeko protesta. Gertaera eman ondoren, Gobernu marokoarrak ez du inolako ikerketarik martxan jarri eta 9.000 euro eman dizkio Haddiri isilik mantendu eta heriotza ziurtagiria sina zezan.
Gertaera salatzeko, politikan eta artean diharduten zenbait lagunek 24 orduko gose grebak hasi dituzte Madrilen. Joan den astean hainbat alderdi eta mugimendu sozialek Bilboko Marokoko Kontsulatuaren aurrean hainbat protesta eta gose greba antolatu zituzten.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.