Langile bat hil da Bilboko portuan
Astearte goizean gertatu da ezbeharra. Honekin, zazpi dira urtea hasi zenetik Euskal Herrian lan istripuz zendutakoak, LAB sindikatuaren kontaketaren arabera.
Bilboko portua (Argazkia: Txo / CC)
Bilboko portuko Nemas nasan gertatu da istripua, 11:30etan. Langilea zamaketaria zen, eta deskarga lanak egiten ari zela garabitik erori da.
Portuko zein Osakidetzako osasun-langileak bertaratu dira, baina ezin izan dute langilea suspertu.