Langile bat hil da
Basauriko Gerdau GSE enpresan

  • Atzo arratsaldean Basauriko Gerdau GSE lantegian (garai bateko Sidenor) behargin bat elektrokutatuta hil zen milaka volteko koadro elektrikoa gainera erori zitzaionean. Aurten lan istripuz hildako lehen pertsona da 53 urteko trapagarandarra.


2014ko urtarrilaren 09an - 00:00
Azken eguneraketa: 2015-02-26 13:37:33
2010ean Basauriko enpresan hildako beste behargin baten lan istripua salatzeko mobilizazioa.

Deskarga elektriko bat jaso ostean zendu zen langilea, larrialdi-zerbitzuek hura suspertzeko ezin izan baitzuten ezer egin.

Pine Instalaciones y Montajes enpresako langilea da hildakoa, eta instalazio berriak jartzeko lanetan ari zen Basauriko Gerdau GSE enpresan.

Gerdau enpresak espediente beltza

2013. urteko azken heriotza Gerdau enpresaren Azkoitiko plantan gertatu zen. Limpiezas Rosi subkontratatutako enpresako langile bat Gerdaurentzako garbiketa eta garraio lanak egiten ari zela gertatu zen ezbeharra.

Azpimarratzekoa da, 2010eko irailean Basauriko lantegian 28 urteko beste langile bat hil zela labeetarako erabiltzen den gurdi batek harrapatuta.

Enpresako Langile Batzordeak adierazi du 24 orduko lanuztea egiten ari direla beharginaren senide eta gertukoei dolua adierazteko. Sindikatuek deituta heriotza salatzeko elkarretaratze isila eginen dute bihar, ostiralarekin, Basauriko lantegiaren aurrean.


Kanal honetatik interesatuko zaizu: Prekarietatea
2024-03-14 | Gedar
Mercadonak %40 areagotu ditu irabaziak, eta %30 Inditexek

Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.


Indarberriturik atera dira sektore publikoko langileak, hirugarren greba egunean

Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]


2024-02-27 | ARGIA
Langile bat hil da Arrasaten; urtea hasi denetik, 17

Astelehen arratsean gertatu da ezbeharra, Arrasaten, hiru metroko sakonerara erorita.


2024-02-15 | ARGIA
Langile bat hil da Olaztiko zementu-enpresa batean

Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.

 


Hiru egunetik behin langile bat hil da Euskal Herrian, urtea hasi zenetik

Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]


Eguneraketa berriak daude