Landa eremuetan internet konexio duina bermatzeko lanean ari da Izarkom
“Guzti-guztiok internet zerbitzu eskuragarri eta arrazoizko bat bermatuta izatea” da Izarkom telekomunikazio operadore kooperatibaren helburuetako bat. Bide horretan, banda zabaleko konexioa eskaintzeko azpiegitura hedatu du baserri eta landa eremuan.
Hiriguneetatik at, maiz konexioa ez da behar bezalakoa, eta komunikazio digitala areagotu den garaiotan, garrantzitsua da denek horretarako aukera izatea. Zeregin horretan ari da Izarkom, oraingoz Txingudiko badia eta Behe Bidasoan, ibaiaren bi aldeetan. Beste zenbait eragilerekin elkarlanean, “Euskal Herriko Sare Telematiko Publiko-Komunitarioa” du xede operadoreak.