Lanbidek Barakaldon duen bulego bateko zuzendaria akusatuen aulkira eramango du Berri Otxoak-ek

  • Gasteizko administrazio auzitegian deklaratuko du urtarrilaren 15ean, Barakaldoko Beurko auzoko Lanbideren bulegoko zuzendariak, auzotar baten salaketaren harira.

Andoni Mikelarena @andonimik
2018ko urtarrilaren 09a

Barakaldoko herritar batek egindako salaketa dela eta, Beurko auzoko Lanbideren bulegoko zuzendariak Gasteizko Administrazio auzitegian deklaratuko du hilaren 15ean. Salaketa ezarri zuen herritarraren kasuan, Lanbideren bulegoan laguntza eskaera bat egin eta zortzi hilabete baina gehiagoren ondoren laguntza hori ukatu zion administrazioak. Lanbidek, dokumentu guztiak ez entregatu izan egotzi zion auzotarrari, honek Lanbidek berak emandako frogagiria esku artean bazuen ere.

Bulego honetan eman ohi den zerbitzuarekin kexu dira herritarrak, askok, “hilabeteak itxaron behar izaten dituzte” euren tramiteak egin ahal izateko. Kontutan izanik, bulego honetan eskaera egin ohi duten askoren egoera “ekonomiko larria”, zerbitzu kaskarrak eragiten dituen arazoak salatu ditu Berri Otxoak mugimenduak.

Duela bi urte ireki zuten Lanbide, Euskal Enplegu Zerbitzuaren bulegoa Barakaldoko Gurutzetako auzoan. Ordutik, ugariak izan dira bertako auzotarrek igorri dituzten kexuak, bulego horretako zerbitzuari dagokionean. Iragan den abenduan esaterako, Berri Otxoak, gizarte bazterketaren aurkako mugimenduak antolatuta, Olentzerok, ikatza utzi zuen Lanbideren bulegoaren aurrean praktika txarrak eta murrizketak salatzeko.

Bulego horrek 6.000 bat herritarrei eskaintzen die zerbitzua, hain justu, Barakaldon langabezia maila handienak dauden gunean. Eustat, Euskal Estatistika Agentziaren arabera, bulegoaren inguruko auzo gehienetan langabezia tasa %20tik gorakoa da, Gurutzetan esaterako %20,66koa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Murrizketak  |  Barakaldo  |  Gasteiz  |  eskubide sozialak

Murrizketak kanaletik interesatuko zaizu...
2018-05-21 | ARGIA
Frantzian 'Herri Uholdea' deitu dute 26rako Macronen politiken kontra

Frantzian ezkerreko hainbat alderdi politiko, sindikatu eta gizarte mugimenduk dei egin dute datorren larunbatean, maiatzak 26, Emmanuel Macron presidenteak ezarri dituen politiken kontra borroka egiteko mobilizazioak burutzera. Marée Populaire [euskaraz libreki Herri Uholdea esan daitekeena] delakoak sakondu nahiko luke Nuit Debout mugimenduak irekitako ildoan.


2018-05-11 | Juan Mari Arregi
Zerga gutxiago aberatsei
Elkartasunetik gutxi duen "ezkutu fiskala"

EAJ eta PSEk, PPren laguntzaz elkartasunetik gutxi duen zerga-babesa edo “ezkutu fiskala” berpiztu dute Gipuzkoako aberatsenentzat, eta aldi berean menpekotasuna saihesteko laguntzak murriztu dizkie 4.330 familiari.


2018-04-04 | ARGIA
157 langile kaleratu eta gainerako 273ei soldata jaitsiko die Productos Tubularesek

Martxoaren 8tik greba mugagabean, Trapagarango Productos Tubulareseko langile-batzordea asteazken honetan bildu da zuzendaritzarekin eta azken honek bere asmoak jakinarazi dizkie. 430 langileko enpresan, 173 kaleratu nahi dituzte eta gainerakoei lan-baldintzak gogortu, lan-hitzarmena apurtuz.


7.000 sinadura bildu dituzte Gipuzkoako Aldundiaren garraio-murrizketaren kontra

Murrizketarik ez! herri plataformak Foru Aldundiak garraio publikorako egindako aurre proiektuaren aurka 7.000 sinadura bildu ditu, horietako 2.500 Tolosaldean.


2018-03-04
Bizimodu murritza normalizatu ez dadin

“Ez kezkatu pentsioengatik, zure txanda heltzen denean ez da jubilaziorik izango eta”. Zeinek ez du inoiz entzun horrelako sasi txantxarik? Gazte askok, kontzientzia soziala dutenetik, murrizketa baino ez dute ezagutu, “ongizate-estatua” totemaren etengabeko inausketa, besterik.


2018-02-22 | Miren Osa Galdona
Gipuzkoako autobus murrizketen aurka 7.000 sinadura bildu dituzte

Gipuzkoako Foru Aldundiak autobus zerbitzuak murrizteko hartutako joeraren aurrean sinadura bilketa abiatu du Murrizketarik Ez! herri plataformak. Otsailaren 27an sinadurok erregistratuko dituzte eta bide batez, protesta martxa antolatu dute.


2018-02-19 | Laborari
Maite Barberarena, erizainen grebaz: "Ez gara makina batekin ari, jendeak dira!"

Maite Barberarena erizain laguntzaile ari da Isturitzeko Pausa Leku zahar etxean. Menpekotasun egoeran diren zaharren zaintzan ari diren profesionalek urtarrilean greba handia egin zuten Frantziako Estatu osoan, beren eskuetan dauzkaten zaharrak hobeki zaintzeko lan baldintza egokiak eskatzeko.


2018-02-11 | Igor Agirre
Gipuzkoako autobus zerbitzu publikoa
Zuk diozu aldaketa, nik diot murrizketa

Gipuzkoako zati handi bati autobus garraio publikoa eskaintzen dion Lurraldebus zerbitzuan lineak eta maiztasunak birmoldatzen ari da Gipuzkoako Foru Aldundia. Debagoieneko, Buruntzaldeko eta Tolosaldeko herrietan kezka handia sortu du Diputazioaren egitasmoak, murrizketak dakartzalako haien esanetan.


2018-01-24 | ARGIA
Murrizketa "galaktikoak" salatu ditu Berri Otxoak taldeak Barakaldon

Darth Vader Barakaldon izan zen astearte goizean, guardia inperialeko bi soldadurekin batera: mozorro horiek baliatu ditu Berri Otxoak taldeak Barakaldoko Udalaren aurrekonto proiektua salatzeko.


2018-01-11 | Andoni Mikelarena
Hildako bat eta ehunka atxilotu murrizketen aurkako protestetan Tunisian

Tunisiako gobernuburuak murrizketak egingo dituela adierazi eta urtea hastearekin batera milaka herritar kalera atera dira austeritate politiken aurka. Istilu handiak izan dira eta pertsona bat hil da.


Eguneraketa berriak daude