LHK-ren txostena

Enplegu kalitate eskasaren bizkar handitu dituzte etekinak EAEko enpresek

  • Lan Harremanen Kontseiluak bere urteko txostenean argi gorri ugari dakartza Araba, Bizkaia eta Gipuzkoako ekonomia hazkundearen aurrean. Haren presidente Tomas Arrietak ohartarazi du behin-behinekotasuna “egiturazko” arazo bihur daitekeela.

Urko Apaolaza Avila @urkoapaolaza
2018ko uztailaren 12a
Bosch-eko langileen protesta joan den ekainean Gasteizen (arg. Foku / Juanan Ruiz)

Ekonomia gorantz doala diote datu makro-ekonomikoek, baina lan prekarietatea dago horren oinarrian. LHK-ren urteko balantzearen arabera behin-behineko enplegu tasa inoiz baino altuagoa da: 2009an %18,6koa zen, bada 2017an %28,5 izatera igaro da, hamar puntu gehiago, eta Arrietak asteazkenean prentsaurrean azaldu duenez, 2018ko lehen sehilekoan %29,5era egin du jauzi.

Langabezia tasaren azken urteetako jaitsiera ere engainagarria suerta daiteke: populazio aktiboa jaitsi delako jaitsi da paroa. Duela hamarkada bat baino 50.000 lanpostu gutxiago daude orain. Produktibitatea, aldiz, hazi egin da. Hau da, jende gutxiagok lan gehiago egin eta aberastasun gehiago sortzen du enpresentzat. Bitartean, soldata arrakala hazi egin da eta gutxien kobratzen duen langileen %10ak are gutxiago kobratzen du orain.

Egoera horren aurrean, greba kopuruak nabarmen egin du gora: 2016an 58.117 greba-egun egin zituzten soldatapekoek, bada 2017an 96.423 izan ziren.

Negoziazio kolektiboan ere bada argi gorririk. Hitzarmen kolektibo baten pean dauden langileak gehiago diren arren, estatalizazioak aurrera jarraitzen du eta Espainiako itunen baldintzekin –EAEkoak baina eskasagoak– lan egiten dutenak 157.155 dira, 2012an Espainiako lan erreforma ezarri zenean baina 32.000 gehiago.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Enplegua  |  Langile borroka

Enplegua kanaletik interesatuko zaizu...
2018-07-18 | ARGIA
Gipuzkoako hondartzetako sorosleak grebara deitu dituzte uztaila bukaeran

Uztailaren 29, 30 eta 31n Gipuzkoako hondartzetako sorosleek greba egingo dutela adierazi du ELA sindikatuak. “Bizi duten egoera prekarioa” salatu nahi dute.


Gipuzkoako hondartzetako sorosleek lan baldintza prekarioak salatu dituzte

ELAk Gipuzkoako sorosleen lan prekarietatearen berri eman du eta Gurutze Gorria eta udalei egoera honetan “bustitzeko” eskatu die. Ostiralean prentsaurrekoa egin dute Donostiako Kontxan.


2018-07-10 | Hiruka .eus
Lankide baten heriotza salatuko dute EHUn

LAB, Steilas, CCOO, UGT eta ELA sindikatuek ordu beteko lanuztea deitu dute asteartean 12:00etatik 13:00etara. Horrez gainera, kontzentrazioa egingo dute, 12:15etik 12:45era, Leioako campuseko Mikel Laboa plazan.


2018-07-06 | Hala Bedi
Gasteizen hasiko da prekarietatearen aurkako 'Gazte Bira'

GazteBira ekimena, Euskal Herrian Bizi dinamikaren barruan, Hego Euskal Herriko hiriburuak zeharkatuko dituen egitasmoa da, Ernai gazte Antolakundeak aurkeztu duena.


2018-07-05 | ARGIA
Greba deialdia Gipuzkoako autobus enpresetan, "patronalak ez duelako hitza bete"

Gipuzkoako 30 autobus enpresatako 5.000 lagun inguru daude deituak grebara, hilaren 13,14, 20 eta 21ean. Sindikatuen hitzetan, "patronalak hitza bete ez duelako" daude derrigorturik erantzun bat ematera.


2018-06-28 | ARGIA
Zaintza eta etxeko langileek beraien eskubideak aldarrikatu dituzte Bilbon

Mujeres del Mundu Babel, Ellacuria Fundazioa, Torre de Babel eta Trabajadoras No Domesticadas elkarteek deituta, elkarretaratzea egin dute asteazkenean Bilboko Moyua plazan. Beraien eskubideen aldeko aldarria egiteaz gain, 6777 emendakinaren kontra agertu dira.


2018-06-25 | ELA sindikatua
EAEn 100.000 pertsona baino gehiago daude alokairuzko etxebizitzarik eskuratu ezinik

Azken urteotan alokairuzko etxebizitzek izan duten bilakaerari buruzko txostena aurkeztu du ELAk. Sindikatuak emandako datuen arabera, egoera larriagotu egin da; izan ere, alokairuek gora egin dute etengabe azken urteotan. Ondorioz, 113.600 pertsonek ezin izan dute independizatu etxebizitza duin baten faltagatik.


2018-06-21 | Topatu.eus
Ikertzaile gazteen prekarietate-egoera salatzeko, erreklamazioak aurkeztu dituzte EHUko erregistroetan

EHUko doktoretza aurreko ikertzaileek protestak egin dituzte gaur Gipuzkoa, Bizkaia eta Arabako campusetan. Kontratu amaieragatik kalte-ordainak eskatzeko erreklamazioak aurkeztu dituzte unibertsitateko erregistroetan.


2018-06-19 | Hala Bedi
Gasteizko SuperCor supermerkatuan eta inguruan ekimena egin du LAB-ek

SuperCor Express izeneko denda zabaldu zuten duela hiru aste Zulaika kirol-denda zegoen lokalean.


Estatistikak: zerbitzuen ekonomian dantzan

Tokiko administrazioak, aldundiak eta gobernu autonomikoak poz-pozik daude. Hazkunde ekonomikoan gaude, langabezia tasa murriztu da. Zerbitzua da puntako sektorea eta ez dute turismofobia hitzarekin izendatu duten protesta multzoa ulertzen. Euskal Herri penintsularra ondo doa.

Bai, egia da azken urteetan langabezia tasa murriztu dela. EAEn %10,8 ingurukoa da, Nafarroan pixka bat murritzagoa; krisi aurreko datuak direla diote. 24 urte baino gutxiagoko gazteek latzagoa dute, euren langabezia... [+]


Azkenak
EGILEA
Eguneraketa berriak daude