Presoen gaian lan esparru berria zabaldu dute Ipar Euskal Herriko ordezkariek eta Frantziako Gobernuak

  • Abenduaren 9an manifestazio handia izanen da Parisen. Halaxe adierazi du euskal preso politikoen alde ari den talde antolatzaileak. Paristik aire berriak omen datoz. Ipar Euskal Herriko ordezkaritzak eta Frantziako Justizia Ministerioak lan esparru berria zabaldu dute azken asteotan.

Mikel Asurmendi @masurmendi
2017ko urriaren 24a
Parisko manifestazioa buru-belarri ari dira prestatzen antolatzaileak. Baionako agerraldi hau lekuko.

Frantziako Justizia Ministerioak eta euskal ordezkaritzak bi bilkura esanguratsu egin omen dituzte dagoeneko. Euskal presoen egoera “geldia” mugiarazteko lerro berria zabaldu da ordezkaritzak berriki adierazitakoaren arabera.

Euskal ordezkaritza horren talde eragiletako Bake Bideak erran berri duenez, euskal presoen auziari buruzko “lan esparru bat” zabaldu da. Presoen auziak “berealdiko neurriak” eskatzen baititu.

Ipar Euskal Herriko ordezkaritza esparru politikoko jende esanguratsuak osatua dago. Euskal Elkargoko lehendakaria eta Baionako auzapez Jean Rene Etchegaray, Giza Eskubideen Frantziako Ligako ohorezko lehendakari Michel Tubiana, Laborantza Ganbararen sortzaile Mixel Berhokoirigoin, Pirinio Atlantikoetako diputatu Vincent Bru eta Bake Bidea elkarteko lehendakari Anaiz Funosas dira ordezkarietako batzuk.

Anaiz Funosasen hitzetan, “Parisko Gobernuaren jarrerak ustekabean hartu gaitu. Irekidura gisako bat da ‘lan esparru’ bat zabaltzea euskal preso politikoaren auzian”.

Euskal ordezkaritzaren iritziz, Frantziako Gobernuaren jarrera berriak biziki lagundu dezake iragan udaberritik Parisen apailatzen ari den manifestazioa sustatze alderat.

Presoen gaia gaurkotzeko beharra handia dago aspaldidanik, Antolatzaileek hartutako prestaketa kontuan harturik, abenduaren 9an Parisen izanen den manifestazioa mugarri izatea igurikatzen da.

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
Euskal preso politikoen egoeran aldaketak iradoki ditu Pedro Sanchezek

Presidente bezala eman du bere lehen elkarrizketan Euskal Herriko eta Kataluniako preso politikoen egoeraz hitz egin du Espainiako Telebista publikoan.


Presorik gabeko sanferminak aldarrikatzeko manifestaziora deitu dute

Bada garaia. presorik gabeko sanferminak leloa dauka uztailaren 4rako, 19:00etan, autobus geltoki zaharretik, Kalera Kalerak deituriko mobilizazioak; orain 40 urteko sanferminetan erabili zuten esaldi berbera da.


2018-06-17 | ARGIA
1.500 pertsona manifestatu da Baionan, Esnal, Haranburu eta Parot anaien alde

Egun bat gehiagorik ez lemari atxikiak, ehunka lagunek bat egin zuten Lapurdiko hiriburuko karriketan. Ion Parot, Unai Parot, Jakes Esnal eta Frederic Haranburu Txistor preso lapurtarren baldintzapeko askatasuna eskatu zioten Macronen gobernuari ozenki.


2018-06-14 | ARGIA
Asier Ezeiza preso hernaniarra Mont-de-Marsan espetxera hurbildu du Frantziako Gobernuak

Tarascon kartzelan izan da Asier Ezeiza azken urtea, bere sorterritik 750 kilometrora, eta orain Mont-de-Marsenera aldatu dute Etxerat Elkarteak jakinarazi duenez.


Eusko Legebiltzarrak kartzela-politika aldatzeko eskatu du, PSEk ere babestuta

EH Bilduk egindako proposamenetik abiatuta eta EAJ, PSE eta Elkarrekin Podemosen zuzenketekin, espetxe politika aldatzeko eskatu du EAEko Legebiltzarrak.


2018-06-04
Espetxe politikaren aldaketa sustatzeko Orain Presoak ekimena aurkeztu dute

Orain Presoak ekimena aurkeztu dute espetxe politikaren aldaketa bultzatzeko hainbat pertsona ezagunek sinatutako idatziarekin. Manifestua zabaltzeaz gain urriaren 20rako mobilizazi bat iragarri dute Bilbon.


2018-05-29 | Euskal Irratiak
Bagoaz mugimenduak manifestazio handi bat deitzen du ekainaren 16an

Manifestazio bat antolatzen du Bagoaz mugimenduak ekainaren 16an, Frédéric Txistor Haranburu, Jakes Esnal eta Unai eta Jon Parot euskal preso politikoen askatasuna galdetzeko.


2018-05-22 | ARGIA
Futbol 7 Hendaian: preso eta iheslarien aldeko ekitaldia

Urtero legez, preso eta iheslari politikoak sostengatzeko, Futbol 7 Txapelketa eginen da Hendaian. 15. edizioa abian dago jada. Maiatzaren 26an izanen da, datorren larunbatean, Hendaiako Ondarraitz Errugbi zelaian.


Zuek zarete terroristak

Pasa den ostegunean Espainiako Audientzia Nazionalak hamarnaka preso politiko ohiren kontu korronte eta ondasunen aurkako operazioa abiatu zuen. Dirua, autoak eta higiezinak bahitu zituen eta pertsona askoren bizitza izorratzeko urrats errepresibo handia eman zuen (operazio honen barnean daudenena eta etorkizunekoetan egongo direnena).


Azkenak
EGILEA
Eguneraketa berriak daude