Laboral Kutxak komunikatua plazaratu du Miren Peña antsoaindarrak bere buruaz beste egin ondoren finantza erakunde horren kontra hasi diren protesten aurrean. Gezurtatu egin dute Peña etxetik kaleratzeko prozesua martxan zegoenik.
“Gure Entitateak ez du inolako erreklamazio-prozedurarik martxan jarri, hipoteka-mailegu horretako ordainketak egunean zeudelako; hau da, ez zuen inolako atzerapenik ez eta kuotarik zorretan”.
Laboral Kutxak egindako bakarra bezero baten eskaera bati erantzutea izan dela gaineratu dute mezuan: “Bezeroak zorra berregituratzeko prozedurari ekiteko eskatu zigun”. Entitateak dioenez, Peñari azaldu zion “eragiketak ez zituela Legean ezarritako baldintzak betetzen”.
“Emandako erantzuna ez zen Entitatearen azken erabakia, baizik eta Legeak horrelako egoerak ez zituela aintzat hartzen jakinarazteko komunikazioa”.
Laboral Kutxa “legea alde batera utzita”, Miren Peñaren eta euren artean irtenbidea aurkitzeko prest agertu zela ere adierazi dute idatzian.
Era berean, Miren Peñaren heriotza “bihotz-bihotzez” sentitzen dutela adieraz dute: “bere senide eta lagunei gure doluminak helarazi nahi dizkiegu”.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.