LABek salatu du Teco Zamora lan egutegirik gabe ari dela erraustegian

  • Gipuzkoako Lan eta Segurtasun Ikuskaritzan salaketa jarri du LAB sindikatuak abenduaren 20an. Idatzi horretan adierazten duenez, eraikuntza lanean azpikontratatuta diharduen Teco Zamora enpresak ez du lan egutegirik eta egunean 10 ordu lan egiten dute astelehenetik ostiralera, gutxienez.

ARGIA @argia
2017ko abenduaren 21a

Gipuzkoako lan hitzarmenek diotena baino gehiago

Idatziz eginiko salaketan, LAB sindikatuak gogorarazten du Gipuzkoako eraikuntza hitzarmenak 26. artikuluan dioela ordu extrak ezingo direla urtean 80 baino gehiago izan. Eta Gipuzkoako eraikuntza hitzarmen kolektiboak, 33. artikuluan, lanaldia honela banatzea arautzen duela: abenduan eta urtarrilean egunean 7 orduko lanaldia izango dela, astelehenetik ostiralera. Azaroan eta otsailean 7 ordu eta erdiko lanaldia izango dela, astelehenetik ostiralera. Eta urteko gainerako hilabeteetan, lanaldia 8 ordukoa izango dela, astelehenetik ostiralera.

Ardura eske

Egoera honen aurrean, LABek lan ikuskaritzari salaketa idatzian eskatzen dio bisita egin dezala eraikuntza lanetara, azaldutako gertakariak frogatzeko, eta txosten zigortzailea zabal dezala erantzukizun legalak exijituz.

Teco Zamora, azpikontrataren azpikontrata

LAB sindikatuak salaketa honetan adierazten du Zubietako erraustegia eraikitzeko kontratua Urbaser buru duen Aldi Baterako Enpresa Elkarteak duela eta ABEE horretako kide diren beste enpresak direla Altuna y Uria, Moyua, Murias, LKS, Meridian Investments eta Steinmuller Babcok.

ABEE horrek hainbat lan azpikontratatzen dizkio PVE ABEEari, zeina osatzen duten Altuna y Uria eta Moyuak.

Eta azpikontratatua den PVE ABEE honek azpikontratatzen dizkio hainbat lan Teco Zamorari.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gipuzkoako erraustegia  |  LAB

Gipuzkoako erraustegia kanaletik interesatuko zaizu...
2018-07-13 | Zero Zabor
Erraustegiaren lanengatik berriro moztu dute Zubietatik Usurbilerako bidea

Zubietako erraustegira gasa eramateko obrei ekin diete berriz, iaz urte garai honetan gertatu bezala. Duela urtebete, Amidi inguruan egin zituzten lanok, Donostialdekoa den eremuan. Oraingoan, Amiri baserriaren eta Santuenea auzoaren artean, Usurbil aldeko lurretan. 


Angula ustelak

Ainhoa eta Inakik 40 miliun euro ordaindu beharko dituztela entzuna ginuen angula ustel ixtorio zerbaitengatik. Hainbeste diru pagatu behar izateko zer nolako kaltea egin ote dute Hego Aldeko euskaldun hautetsi hauek.


2018-07-04 | Usurbilgo Noaua
Usurbildarrek erraustegiaren aurkako parodiarekin amaitu dituzte festak (bideoa)

Usurbildarrek ozen oihukatu dute “Ez, ez, ez, errausketarik ez!”, jaien amaieran. Azken trakaren aurretik, festak hasi bezala amaitzeko tartea hartu da aurten. Urte luzez, herrian haserrea eta kezka eragiten segitzen duen erraustegiaren aurkako parodia batekin.


2018-06-29 | Usurbilgo Noaua
Usurbilgo festak erraustegiaren aurkako manifestazioarekin hasi dira

Erraustegiko lanak aurrerabidean diren honetan, agian erraustegia eraikia izan aurreko azken jaiak izan daitezke egunotakoak. Eta Foru Aldundiaren aurreikuspenak betetzen badira, urtebete barru garai honetan, proben fasean izan dezakete Zubieta gaineko planta. Beste behin, ez hemen, ez inon, erraustegirik ez dutela nahi exijitzeko eta aipatu proiektuaren aurka mobilizatu dira ehunka usurbildar gaur, festen atarian.


2018-06-19 | Usurbilgo Noaua
GuraSOSek Zero Zona Kanala, telebista kate propioa estreinatu du Youtuben

“Batzuk nahi dutena soilik kontatzen dute. Zero Zonan herriak du hitza”. Horiexek GuraSOSek abian duen Hitzartu prozesuaren baitan, ostiral arratsalde honetan bertan martxan jarri berri duten Zero Zona kanalean entzun ahal izan ditugun lehen hitzak. Aurrerantzean, Youtubeko kate honen baitan, astero albistegi bat eskainiko dute.


2018-06-13 | Zero Zabor
Atzerapena Zubietan: FCC eta Urbaserren artean Cespak ere muturra sartu nahi du

Zubietako erraustegiaren obrek erritmo onean jarraitzen duten arren, 300 metro urrunago biometanizazio eta eskorien tratamendurako eraiki beharreko azpiegiturak hasi barik egongo dira ondoko hiru hilabeetetan gutxienez: FCC eta bere taldeari GHK-k 20 urterako egindako esleipenari helegitea jarri dio orain arte Zubietako opilaren banaketan esku hartzen ez duen taldeak, barnean Cespa eta Campezo dituenak.


2018-06-12 | Usurbilgo Noaua
Erraustegiaren kolapsoa ekar dezaketen ekimen juridikoak aurkeztu ditu GuraSOSek Europan

Zubietako erraustegia ez da atzera bueltarik gabeko proiektua. “Bere etorkizuna ez dago guztiz erabakia”, nabarmendu du GuraSOSek astelehen goiz honetan Donostiako Koldo Mitxelena Kulturunean egin duen agerraldian. Gipuzkoako Foru Aldundiak 2019ko udazkenerako martxan izatea aurreikusten duen Zubieta gaineko plantaren eta haren finantza ereduaren kolapsoa ekar dezaketen ekimen juridikoak aurkeztu zituen joan den astean GuraSOSek, Europako erakundeetan


2018-06-11 | Usurbilgo Noaua
Usurbilgo Udarregi Ikastolatik, erraustegia begi bistan

Ikastola Egun honetan, nahi izan gabe ere begirada Zubieta gainera zuzentzea ia saihestezina zen. Ondoko argazkietan ikus dezakezue, Ikastolako kideak, 50. urtemugako mosaiko erraldoia osatzera zihoazela, atzean zuten panorama. Begi bistakoak dira jada, urtebete barru amaitua eta martxan izatea aurreikusten duten erraustegiko lanak.


2018-06-08 | Zero Zabor
GHKk asteartean, 12an, bozkatuko du Gipuzkoako zaborrak Zabalgarbira eramatea

Gipuzkoako mankomunitate guztiak biltzen dituen GHK partzuergoak ekainaren 12an 11:00etan Foru Aldundiaren egoitza nagusian burutuko duen batzarrean eztabaidatu eta erabakiko du lurralde honetako hondakinak Bizkaian tratatu, erre eta lurperatzeko berrikitan bi aldundiek itxitako akordioa.


2018-06-07 | Usurbilgo Noaua
Erraustegia 2019ko uda aurretik amaitua eta udazkenean martxan izatea aurreikusten du Aldundiak

“Tratamendu mekaniko biologikoko eta biolehorketako plantetako eraikinak ia amaituta daude, eta hasiera eman zaio labeen eta gainerako ekipo industrialen instalazioari”, Gipuzkoako Foru Aldunditik berri eman dutenez. 2019ko erraustegiko lanak amaitzea aurreikusten dute eta “probaldia gainditu ondoren, 2019ko udazkenean funtzionatzen hasiko da Ingurumen Gunea” iragarri dute.


Azkenak
EGILEA
Eguneraketa berriak daude