Kux-kuxa, marmitakoa eta tapioka mahai berean: bazkariak bizikidetzarako elkargune
Euskal gizartearen aniztasunaren isla izan nahi du Bizilagunak ekimena. Azaroaren 13an egingo dute Euskal Herriko hainbat herri eta hiritan. Horrez gain, Gipuzkoa Solidarioa egitasmoa hartuko du Donostiak azaroaren 26an.
Bizilagunak ekimenak bosgarren edizioa du aurten. Bazkariak antolatuko dituzte Euskal Herriko hainbat herri eta hiritan. Bertan, bi familia elkartuko dira bazkaltzeko, bata euskalduna eta bestea atzerritarra. Euren arteko ezagutza sustatzea eta bizikidetza baldintzatu dezaketen aurreiritziak gainditzea da helburua.
Gizarte eraldaketarako tresna izan nahi du Bizilagunak egitasmoak. Ezagutza eta harreman berriak errazten dituela azaldu dute antolatzaileek, baita aniztasunaren aldeko jarrera duen gizartea bizkortzen ere.
SOS Arrazakeriak sustatutako ekimena da, eta Euskal Herriko hainbat herri eta hirietako elkarteek egin dute bat. Azaroaren 13an bazkariak antolatuko dituzte Barakaldon, Bidasoaldean Debagoienan Donostian, Eibarren, Ermuan, Gasteizen, Getxon, Hernanin, Oarsoaldean, Ordizian, Pasaian, Tolosaldean, Usurbilen, Zarautzen eta Zumaian.
Horrez gain, Gipuzkoa Solidarioa egitasmoa ere antolatu du erakundeak urtero legez Donostiako Victoria Eugenia Antzokian. Azaroaren 26an izango da, 17:00etan. Bizilagunak ekimenean parte hartuko duten pertsona guztien bilgunea izango da, eta umore eta antzerkiarekin batera, kirola izango du aurtengo edizioak ardatz. Izan ere, “kirol munduak integraziorako ahalmen handia” duela azaldu dute antolatzaileek.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Tarte luze batez espazioa eraldatzen ibili ondoren, azkenik, 2021eko martxoan zabaldu zuten Borderline Fabrika; Hendaiako geltokiaren albo batean dagoen "lan egin eta topatzeko lekua". Proiektua ezagutzeko asmoz, bertako kide eta bultzatzaile den Ander Fernandezekin... [+]
GureHaizeak Donostiako Gros auzoan irekiko duten ileapaindegi komunitarioa da. Bost lagunek abiatutako proiektua da, baina kultura desberdinak elkartuko dituen eta auzoan sustraituko den proiektua izatea nahi dute.
Dorleta Mikeok esango digu elkarrekin baina nahastu gabe bizi garela, ez dagoela bizikidetzarik bertakoen eta beste jatorri batzuetatik etorritako familien artean. Mikeo eta Lola Boluda Donostiako Egia auzoan, Aitor ikastolako jolastokian, abiaburua izan zuen egitasmoa garatzen... [+]
