Kutxak ez ditu bere gastuak ordaindu Tabakaleran ia bi urtez, EH Bilduren arabera

  • Kutxa Fundazioa Tabakaleran edukitzen ari den jarrera “guztiz desegokia” salatu du EH Bilduk. Finantza erakundea ia bi urtez ezer ordaindu gabe egon da kultura garaikideko zentroan, Amaia Almirallek salatu duenez.

Gorka Bereziartua Mitxelena @boligorria
2017ko azaroaren 02a
Amaia Almirall EH Bilduko kidea, Kutxaren jarrera salatzeko egindako prentsaurrekoan (argazkia: EH Bildu).

2015eko irailetik 2017ko ekainera bitartean 366.182,44 euroko zorra egin du Kutxak, Tabakaleran ordaindu gabe utzi dituen obligazioengatik. “Uztailean horren zati bat ordaindu zuen baina berriz ez ordaintzeari ekin dio eta dagoeneko, iraileko gastuak barne, 171.228 euroko zorra du, urte bukaerarako 250.000ra ailegatuko dena”, adierazi du Almirallek.

EH Bilduko kideak esan du du Kutxak eraikinaren erabiltzaile den aldetik obligazioak dituela, “hala nola bertan sortzen dituen gastuak hilero ordaintzea, edozein eraikinetan egiten den moduan, alegia. Baina Kutxak ez du ordaintzen, eta etengabe jarrera morosoaren arabera jokatzen ari da”.

Horrela funtzionatzeak Tabakaleraren likideziari eragiten diola ohartarazi du Almirallek, eta Donostiako Udaleko ordezkariak kritikatu ditu jarrera horren aurrean “neurri egokirik” hartu ez dutelako.

Gainera, EH Bilduk gogora ekarri du “finantza erakundeak bere zordunekiko izan duen jarrera halako kopuruekin”, zeharkako erreferentzia eginez hipoteka ordaindu ezinean ari den jendea etxetik botatzeko Kutxak izan duen politikari.

Kanal hauetan artxibatua: Tabakalera  |  Kutxa  |  Donostia  |  Kudeaketa publikoa

Tabakalera kanaletik interesatuko zaizu...
Zabaltegik berriz aurkitu du bere bidea

Bere izaera berreskuratzeko lanean ari da Donostiako Zinemaldiko Zabaltegi saila, zenbait urtez beste jaialdietan nabarmendutako perlekin espazioa konpartitzearen eraginez apur bat desitxuratuta geratu ondoren.


Euskal Herriko 14 film Zinemaldian, erdia baino gehiago euskaraz

Zinemaldiak asteazken honetan aurkeztu du aurtengo festibalaren Euskal Herriko eskaintza: etxeko bi ekoizpen izango dira Sail Ofizialean eta 14 filmetatik 8 dira euskaraz osorik edo hein batean.


"Editatze-gelan egiten da zinema"

Deborah Stratman (Washington, AEB, 1967) zientziaren bidez iritsi zen zinera. Fisika ikasteari utzi zion, bukatutakoan industria militarrarentzat lan egin beharko zuelakoan eta Arte Eskolan zinearekin egin zuen topo. Gustatzen zitzaion guztia zeukan zineak: optika, erlatibitatea eta mekanika; teknologiarekin erlazioa, bai eta Tarkovskyk deskribatutako “denbora zizelkatzeko” aukera ere. Ekainaren 17an Tabakaleran izan zen Deborah Stratman berari eskainitako fokuaren saio bat... [+]


2017-06-30 | ARGIA
Abkhazia Donostian: aitortu gabeko estatu bat, hango Atzerri ministro ohiaren begietatik

Maxim Gvinjia Abkhaziako Atzerri gaietarako ministro ohiak enbaxada berezia eduki du aste honetan Tabakalera Donostiako Kultura Garaikideko Nazioarteko Gunean. Ostiral honetan Xabier Madariaga kazetariak elkarrizketatuko du jendaurrean.


Hautsitakoa puskaka erakusteaz

Tabakaleran programatzen dituzten pelikulei beti jarri behar zaie arreta, areto komertzialetan nekez ikusi ahal izaten ditugun lanak eskaintzeaz gain, arriskatzeko joera izaten baitute, aukera emanaz lengoaia zinematografiko ezohikoak pantaila handian ikusteko. Joan den larunbatekoa ez zen salbuespena izan: Angela Schanelec zuzendari alemaniarraren Der traumhafte Weg (Bide onirikoa) proiektatu zuten, egilearen azken lana, zeinean bi bikoteren hausturak kontatzen diren elkarren arteko 30 urteko... [+]


"Merkatuak ezin du irentsi literatura aldizkari bat euskaraz, baina euskal kulturak behar du"

20 urtez, Koldo Mitxelena Kulturuneko zuzendari aritu da Frantxis Lopez Landatxe (Donostia, 1953). Pasa den abenduan utzi zuen postua, nahiz eta ibili, badabilen oraindik, han eta hemen. Anekdota adierazgarri bat: hizketan aritu garen ordubetean, bost lagunek eten digute haria, Frantxis agurtu eta erretiroa zer moduz doakion jakin nahi zutela-eta.


Tabakalerako zine-eskola berriko zuzendariak ez daki euskaraz

Carlos Muguiro izango da Tabakalerako zine-eskola berriko zuzendaria. 1966an Elizondon jaioa, Madrilgo Erkidegoko Zine Dokumentaleko Eskolan (ECAM) aritu da orain arte. Medioetan hainbeste komentatu ez dena zera da: Muguirok ez dakiela euskaraz.


Tabakalerako zine eskolaren zuzendariak ez du euskaraz jakin beharko

Tabakalerako zine-eskola zuzentzeko lehiaketa publikoa astelehenean argitaratu da. Deialdiak ezartzen dituen baldintzen artean ez dago zuzendariak euskaraz jakitea.


Euskal Herrian duela 80 urte 3Dn grabatutako film bat aurkitu dute

René Le Henaff zuzendariak hiru dimentsioen teknikarekin esperimentatzeko Euskal Herrian grabatu zuen filma aurkitu du Josu Martinez zinegile eta ikerlari bilbotarrak. Euskadi filmaren lau emanaldi egingo dituzte martxoan, Bilbon, Iruñean, Donostian eta Baionan.


Beren espezieko zinegile bakarrak

Adi Tabakalerak eta Euskadiko Filmategiak ostiral honetan abiatuko duten atzera-begirako zikloari: Jean-Marie Straub eta Danièle Huillet zuzendariak izango dira protagonista Donostiako Kultura Garaikideko Nazioarteko Gunearen aurtengo zine-denboraldiaren hasieran.


Azkenak
EGILEA
Eguneraketa berriak daude