Kurdistanen aurkako politikan pauso bat gehiago eman du Turkiako Gobernuak: Rojeva Medya-ren webgunerako sarbidea debekatu du, herrialdean kurdueraz dagoen egunkari bakarra, ANF News-ek jaso duenez.
Komunikazioaren Teknologien Autoritateak (BKT) itxi du orrialdea, azalpenik eman gabe eta debekuak noiz arte iraungo duen esan gabe. Rojeva Medyak hamabi orri ditu eta 2016ko azaroan sortu zuten, Ameden, Ipar Kurdistango hiriburuan. Kurdueraz egunero kaleratzen den argitalpen bakarra da.
Ez da Turkiako Gobernuak Kurdistango komunikabideen aurka egiten duen lehen erasoa. 2016ko abuztuan Özgür Gündem egunkari kurdua itxi eta 25 kazetari atxilotu zituen, eta urrian 130 hedabide baino gehiago itxi zituen.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]