Marotori gasteiztarrak etsaitu nahi izatea leporatu diote EA, EAJ eta PSEko gazteek
“Gorrotoa sustatzen” duten diskurtsoen aurrean “kolore ugaritako Gasteiz” defendatu dute Gazte Abertzaleek, EGIk eta PSEko gazteek berriki plazaratutako manifestu baten bidez: “Kultura-aniztasuna aberastasunaren oinarri izanen da, diskriminazio eta aurreiritzirik gabe”.
“Gasteiz hiri anitza da eta historikoki gure gizartea sakonki aberastu izan duten kultura desberdinez osatua dago”, adierazi dute gazteek.
Era berean, kritikatu egin dute Gasteizko alkate Javier Marotok azken hilabeteetan egindako adierazpenen atzean dauden "gezurrak".
"Gorrotoa sustatzen duen diskurtso arrazistaren aurrean, hemen bizi garenok banatzeko gezur eta erasoen aurrean, adierazi nahi dugu Gasteiz ez dela saldu nahi diguten hiri insolidario eta etsaitua", idatzi dute hiru gazte erakundeek elkarrekin plazaratu duten agirian.
Zenbait kolektibo seinalatuz elkarbizitza hautsi nahia leporatu diote PPko alkateari eta Gasteizko herritarrei dei egin diete gertakari horren aurrean "begiak ez ixteko".
Eragile eta mugimendu sozial ugari agertu dira Marotoren jarreraren kontra, baita eliza bera ere.
Javier Maroto Gasteizko alkate izan zen 2011-2015 legegintzaldian. Hasierako urteetan, José Ángel Cuerdaren irudiko "guztion alkate" izan nahi zuela ematen zuen. Alderdiaren kontra eginez Garoñaren eta frackingaren aurka, gaztetxearekiko eta... [+]
PSEk "hiriari horrenbeste kalte egin zioten iraganeko diskurtsoak" berreskuratzea egotzi die popularrei, eta EH Bilduk "eskuin muturreko jarreretara" hurbiltzen ari direla dio.
Telefonoak jo zion. Madrildik zen, etortzeko, probintziako liga utzi eta Bernabeura saltatzeko unea zela. “Azkenik”, atera zitzaion deia moztu bezain laster eta tenkatu zuen aurpegia imintzio batean, nahastu zitekeena irribarre batekin.
"Gerrarte" sasoian, Frantziako Estatuko hauteskundeen lehenengo eta bigarren itzuliaren artean alegia, fenomeno interesgarri baten lekuko izan ginen, garbi islatzen duena Europan eskuin muturrak bizi duen egoera eta horren aurrean gainerako indar politikoek duten... [+]
Egoera ahulenean daudenenganako elkartasun eza, denon dirutik "aprobetxatzen" omen diren horiekiko tolerantzia falta, jarrera politiko konkretuek elikatzen dute eta hauteskundeak dira neurgailu. Jar dezagun fokua Araban.