Krisia Iruñeko Udal Gobernuan

  • Izquierda-Ezkerra eta Aranzadi udal gobernutik kanpo geratu direla iragarri du Iruñeko alkate Joseba Asironek, eta gobernu berritua jakinarazi du. Arrazoia, inbertsio ekonomiko jasangarrien bozketan bi alderdikideak abstenitu izana, Garako kazetari Aritz Intxustak kontatu duenez.


2018ko uztailaren 04an - 13:43
Iruñeko alkatea, aldaketen berri ematen (argazkia: Aritz Intxusta)

Izquierda-Ezkerrak eta Aranzadik zuzenketak aurkeztu zitzaketela esan du Asironek, baina horren ordez nahiago izan zutela proiektu guztia atzera bota, ez zutelako euren zuzenketetarako nahikoa babes lortu. “Onuradun bakarrak eskuin politiko eta mediatikoa dira”. Udal gobernuarekiko leialtasuna hautsi dutela ulertuta, “ezin zaio Gobernuari oposizioa egin, Gobernu barrutik”, adierazi du.

Inbertsio ekonomikoa auzoetara eta eskola publikoetara bideratu nahi zela gogoratu du alkateak, baita milioi bat euro ere larrialdi sozialetarako etxebizitza publikoetara. “Hiri honek 6 milioi euro inbertitzeko aukera galdu du”.

Izendapen berriak

Izendapen berriak ere jakinarazi ditu Asironek: Berdintasun saila Alkatetzaren menpe geratuko da, Parte-hartzean Mikel Armendariz arituko da, Esther Cremaes Gizarte Ekintzan, Maider Beloki Berdintasun eta LGTBI sailean, eta Ekologia eta Mugikortasunean Joxe Martin Abaurrea.


Kanal honetatik interesatuko zaizu: Iruñea
2024-03-22 | dantzan.eus
Duguna dantza taldearen erakusketa Iruñean, 75. urteurreneko ospakizunetan

Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du  martxo hondar eta apiril hastapenean. Ondorengo lerroetan taldeak berak azaltzen ditu ospakizunok.


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Erakusketa lehenago kenduko dutelako zentsura salatu du Iruñeko LKN artistak

Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".


Eguneraketa berriak daude