Koxkako tabernariak deklarazioan "esan ez zituen gauzak" txertatutako dokumentua aurkeztu du akusazioak

  • “Nik igandean deklaratu nuen, baina esan ez nituen gauzak daude dokumentuan”, esan du Altsasuko Koxka tabernako jabe Iosu Muñoak.


2018ko apirilaren 19an - 11:15

Epaiketaren hirugarren egunean, asteazkenean, Altsasuko Koxka tabernako jabeak eta zerbitzariak eta foruzainek deklaratu dute. Guztiek ezeztatu dute atzo guardia zibilek emandako bertsioa. Muñoak ere hala egin du, baina aipagarriena izan da igandean Foru Poliziaren aurrean egin zuen deklarazioaren dokumentua sinadurarik gabe aurkeztu duela akusazioak. Muñoak nabarmendu du dokumentuak ez duela bere sinadurarik, eta berak “esan ez zituen gauzak” agertzen direla bertan. Tartean, agertzen da Muñoak esan zuela Altsasuko liskarra “aurrez pentsatu” zutela gazteek, eta hori esan izana ukatu du. Akusazioaren irregulartasunak dokumentua deuseztatzea eragin lezake.

Koxkako zerbitzari Naiara Navarrok esan du tabernan 30 lagun inguru zeudela, eta ez 80, asteartean tenienteak esan bezala. Tabernaren sarreran “gehienez hamar pertsona” sar daitezkeela esan du. Aldiz, tenienteak esan zuen hogei lagunek eraso egin zietela leku horretan.


Kanal honetatik interesatuko zaizu: Altsasuko gazteak
Altsasu antzezlana ikusi dute Madrilen, Vox-en boikotaren gainetik

Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.


2022-01-19 | ARGIA
Altsasuko gazteen eskakizuna atzera bota du Estrasburgoko Auzitegiak

Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.


2021-11-10 | ARGIA
Auzitegi Nazionalak dio Altsasu auziko Guardia Zibilaren tenientea ez dela terrorismoaren biktima

Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.


Eguneraketa berriak daude