Ghjuventù Independentista gazte antolakundeak salatu duenez, mugimenduko arduradunak eta hainbat militante daude atzemandakoen artean. Polizia operazioa zabalik dagoela jakinarazi dute. Duela bi hilabete beste 19 gazte atzeman zituzten.
Kortsikar gazteen kontrako sarekada bat egiten dabil Jendarmeria. Atxiloketa hauek gazteriaren eta herriaren kontra Frantziako Gobernuak egiten duten "enegarren probokazio lotsagarria" da, salatu dutenez. Izan ere, urte batez 130 gazte baino gehiago hartu dituzte atxilo, eta hamarnaka dira espetxeratuak edo kontrol judizialpean utzi dituztenak .
Frantziako hauteskundeek ez dutela deus aldatuko salatu du Ghjuventù Independentista gazte antolakundeak, Hollanden bide beretik jarraituko duela Macronek ere. Bestetik, Korsikar nazioaren askapenean borrokan jarraituko dutela berretsi dute.
Azkenik, dei egin dute atxiloketen kontra antolatu dituzten mobilizazioetan parte hartzera.
Albiste hau Topatuk argitaratu du eta CC-by-sa lizentziari esker ekarri dugu ARGIAra
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.