Korsikak Frantziako konstituzioa aldatuz eskumen gehiago lortu nahi ditu

  • Korsikako Asanbladak joan den ostiralean bozketa historikoa egin zuen Le Journal du Pays Basquen irakur daitekeenez: 51 kontseilaritik 46k bozkatu dute Frantziako konstituzioari artikulu berri bat eranstearen alde. Artikulu horrek Korsika aipatuko luke eta Lurralde Elkargoa garatzeko urratsak ematea baimenduko luke.


2013ko urriaren 02an - 00:00
Azken eguneraketa: 2015-02-26 13:37:33
Korsikako hautetsiak ostiraleko bilkuran.

Corsica Libera alderdiko asanbladako ordezkari nagusi Jean-Guy Talamoni “oso pozik” agertu zen joan den asteko bozketaren emaitzaz, izaera masiboa edukitzeaz gain ekimenaren aldeko hautetsiak daudelako ordezkaritza duten talde politiko guztietan. Onartutako deliberoak Frantziako konstituzioan 72-5 artikulua sortzea eskatzen du Korsikako Elkargoa zuzenean aipatuz.

Hizkuntzaren koofizialtasuna, ondasun higiezinen salerosketa erregulatzeko ahalmena, politika fiskalak eta erakundetze-ahalmenak lortuko lituzke Korsikak Frantziako konstituzioan aldaketa hori eginez gero.

Batera eta EH Bai interesatuta

Gertutik jarraitzen ari da prozesu hori Euskal Herriko Batera plataforma. Nikolas Blainen adierazpenak jaso ditu Le Journal du Pays Basquek. Gobernuak nola erantzungo duen ikusteko gogoa dauka Baterak, eta eskaerari emango dion erantzuna “politikoa” izatea, horrek Ipar Euskal Herrirako Lurralde Elkargoa lortzen lagun dezakeelako.

Euskal Herria Bai koalizioaren balorazioa ere jaso du Le Journalek. Korsikako adibideak argi uzten du koalizio abertzalearen ustez, aukera gehiago daudela aldeko oihartzuna jasotzeko hautetsi lokalek lurralde-aldarrikapenetan bat egiten dutenean.


Kanal honetatik interesatuko zaizu: Korsika
Korsikaren autonomia estatutua: uztaila aitzin bozkatuko dute Frantziako Konstituzioaren moldaketa

Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".


FLNCk bere gain hartu ditu bigarren etxebizitzen aurkako 27 eraso

Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.


Macronek autonomia eskaini dio Korsikari, Frantziako Errepublikaren barruan

Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.


Korsikak autonomia legegilea eskatu dio Parisi, inoizko babesik zabalena lorturik

Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]


Korsikako Asanbleak uztailaren 4an adostu beharko luke Frantziari proposatuko dion autogobernu heina

Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.


Eguneraketa berriak daude