KoopFabrika: ekintzailetza eduki sozialez janzteko programa Gipuzkoako hiru eskualdetara zabaldu da

  • Zabalik da KoopFabrika ekintzailetza sozialerako programan izena emateko epea. Ekonomia Sozial berriaren eta Ekintzailetasun Sozialaren ikuspegitik ekiteko helburua duten guztiei zuzenduta dago programa, eta otsailaren 1ean emango zaio hasiera formazioari.

Ainhoa Ortega Bretos @ob_ainhoa
2017ko urtarrilak 05

Debagoiena, Beterri-Buruntza eta Oarsoaldean burutuko da aurten ekintzailetza sozialerako programa, Berrekin.Berregin eta Kooperatzen esperientzietatik abiatuta. Otsailaren 1ean jarriko da martxan eraldaketa soziala helburu duen formazio gunea.

Ekintzailetzari eduki sozial, kooperatibo eta eraldatzailea eman nahi dio KoopFabrikak. Horretarako, esperientziak ezagutu eta justizia sozialean oinarrituriko ideiak praktikan jartzeko aukera eskainiko ditu programak. Lankidetzan sorturiko proiektua da KoopFabrika, LANKI Ikertegia eta Olatukoop sarearen elkarlanetik jaioa.

Programan parte hartzea doakoa izango da, baina plaza mugatuak daude. Izen ematea zabalik da dagoeneko, formazioan ekintzailetza sozialerako tresnen erabilpenean trebatu, martxan diren egitasmoei bisitak egin eta KoopFabrikatik irtendako proiektuei eskainiko zaie tutoretza.

Programaren garapenean lagundu dute Beterri-Buruntzako udalak, Oarsoaldea eta Debagoienako garapen agentziek eta Bagara Herrigintzan kooperatibak, Gipuzkoako Foru Aldundiaren finantziazioarekin. Proiektuaren inguruko berri izateko, KoopFabrikak webgunea jarri du martxan. Horrez gain, Twitter, Facebook eta Instagram sare sozialen bidez emango dute egunerokoaren berri.

Programan parte hartzen ari diren zenbait proiekturen testigantzak bildu ditu KoopFabrikak bideo honetan.

Kanal honetan artxibatua: Ekonomia soziala

Ekonomia soziala kanaletik interesatuko zaizu...
Autoantolaketa

Gehien interesatzen zaizkidan pertsona eta antolakundeak behekoen, langile klaseen, pertsona esplotatuen autoantolakuntzaz ari dira hitz egiten. Eta ados nago.


2017-07-03 | OlatuKoop sarea
Oparotasuna denontzat

Uztailaren 1ean, kooperatiben nazioarteko eguna den honetan, Ekonomia Sozial Eraldatzailea sustatzen dugun Olatukoop sareko kideok, kooperatibek duten eraldaketarako indarra aldarrikatu eta denekin ospatu nahi dugu. Kooperatibismo eraldatzailea osatzen dugun guztiokin, baina baita kooperatibak existitzea posible egiten duten komunitate eta jendartearekin.


Kooperatibak lurraldearen defentsarako lanabes

“Maseual identitatea bizitzeko modu bat da, sentitzeko modu bat, jokatzeko modu bat, nire bizitza da”. Horrela definitu du Maria Luisa Albórezek Tosepan Titataniske kooperatiben elkartea. 40 urteko ibilbidea duen mugimendua da Tosepan, kooperatibismoa, maseual identitatea eta lurraren defentsa oinarri dituena.


2017-06-11 | Lander Arretxea
Babes ekonomikoa eta askoz gehiago

Ez dira pauso asko behar komunitate autofinantzatu bat sortzeko: taldea elkartu, aurrezkiak kutxa komun batean bildu, eta elkarri maileguak emateko baldintzak adostu. Hala lortu du Penedeseko (Herrialde Katalanak) emakume talde batek sostengu ekonomikoa eta babesa ematen dien proiektua sortzea. Hori guztia, ohiko bankuen moldeak iraulita eta konfiantzan oinarrituta.


2017-05-08 | Topatu.eus
Txantreako gazte kooperatiba
MULTIMEDIA - erreportajea

Gakoa gazteen kooperatiba sortu dute Iruñeko Txantrea auzoan. Gazteei lana eskaini eta bestelako lan eredu bat garatu nahi dute.


2017-05-07 | Aiala Elorrieta
Letra larriz

Letra larriz idatzita datorrenean oso diziplina serioa da Ekonomia. Gogoan dut oraindik zelakoa izan zen lehen gerturatzea zientzia honetara. Institutu garaian arbelean irudikatu ziguten grafiko hura, Ekonomian murgiltzeko lehen gezur handia izan zen. Erdigunean kokatuta zeuden merkatu eta enpresak, ekonomiaren eta beraz, munduaren jaun eta jabe ziren. Enpresak aberastasunaren sortzaile ziren bitartean “familiek” beste bi eginkizun betetzen zituztela erakusten zigun irudiak;... [+]


2017-05-03 | Zebrabidea
"Ekonomia sozial eraldatzailea geroz eta garrantzitsuagoa da gizarte erronkei erantzuteko"

Lanki ikertegiak eta Mondragon Taldeko Otalorak elkarlanean abian jarritako Kooperatibagintzan Aditu Tituluari buruzkoak ekarri ditugu gaurko ekonomia eta gizarte gaien tartera.


2017-04-10 | ARGIA
Bost urtean 1.582 milioi euro galdu dira Hegoaldeko soldatetan

Azken bost urtetan langileriek guztira 1.582 milioi euro gutxiago eraman dituzte poltsikora Hego Euskal Herrian ELA sindikatuaren esanetan.


2017-03-26 | Iñaki Barcena
Kapitalismo berdearen noraeza

Ipar Amerikako kritiko marxista Frederic Jamesoni leporatzen diote esaldi esanguratsu hau: “Errazagoa dugu munduaren bukaera irudikatzea, kapitalismoarena baino”. Ez zaio arrazoirik falta. Non dago koska? Kronologian edota iraunkortasunean ez behintzat. Kapitalismoa eredu ekonomiko berria duela 300 urte inguru abiatu zen. Denbora urria, gure jendarteen historian.

Etsai indartsuen falta ere, ez du izan. Teoriko eta iraultzaile antikapitalista ugari ezagutu ditugu. Hastapenetan... [+]


2017-03-26 | Lander Arretxea
Ekintzailetza beste begi eta esku batzuetatik

Ekintzailetza. Gazteek (eta ez hain gazteek) urratu beharreko bide berria hori dela diote etengabe politikari eta enpresari elkarteen ordezkariek. Haien asmo eta nahietatik oso urrun ordea, beste eredu bat ari da garatzen: kolektiboa, tokiko sareetan antolatua eta eraldatzailea izan nahi duena. Hori sustatu, lagundu eta indartzeko lantegia da Koop Fabrika.


Azkenak
EGILEA
Eguneraketa berriak daude