"Konturatu ginen gure ikastolan ere matxismoa erreproduzitzen genuela eta aldaketaren oinarri handi bat gure esku zegoela"

  • DBH 3 eta 4. mailan dauden 14-16 urteko ikasleek, euren interes eta ekimenez iaz sortutako kolektibo feminista da Eguzki Moreak, Bilboko Artxandape ikastolan. Ostegunero jolastorduan asanblada egiten dute eta ekintzak prestatzen dituzte egun berezietan.


2018ko martxoaren 08an - 07:35

Indarkeria Matxistaren Aurkako Egunean adibidez, tailerrak egin zituzten Haur, Lehen eta Bigarren Hezkuntzako ikasleekin: erraz antzematen den eta hain agerikoa ez den indarkeriaz, baita hedabideetan ageri diren emakumeez eta mundu errealeko emakumeen aniztasunaz, kantu matxistez… Eta Emakume Zientzialarien Egunean berriz, zientzia maratoia prestatu zuten, emakumeek sortutako asmakizunak abiapuntu.

“Gure ikastolan ere gizarte matxista honen jokabide eta pentsamenduak behin eta berriz erreproduzitzen ditugula konturatu ginen, baita aldaketaren oinarri handi bat gure esku zegoela ere. Gizartea eraldatzeko gaztetatik jasotzen dugun hezkuntza iraultzen hasi behar dugula uste dugu”, diote. Ikastetxeko errealitatea apurka-apurka aldatzea dute helburu, “adin guztietako ikasle zein irakasleen artean kontzientzia feminista zabalduz”.

Martxoaren 8rako ere egitarau oparoa prestatu dute: paroaren ostean, estereotipoen aurkako dantza eta abestia, poesia errezitaldia, monologo komikoa, mikromatxismoen bistaratzea esperientzia pertsonaletatik, eta kolektiboko bi kidek konposatu eta idatzitako abesti feministaren aurkezpena.


Kanal honetatik interesatuko zaizu: M8 greba feminista
Greba feminista burutu dute Ipar Euskal Herrian

Frantziako Estatu mailan bideraturiko greba feministari lotu dira Ipar Euskal Herriko sindikatuak eta talde feministak ere. Soldatapeko lanean, zaintzan eta kontsumoan bideratu dute greba.


Kaleak betetzeko antolatu gaitezen

Hilabeteren buruan feministok emakume* langileon egunean kaleak hartzera aterako gara. Urteroko zita dugu, urtez urte gogoz antolatu eta prestatu duguna. Pasa den astean atzera begirada arin bat egin genuen Portugaleteko asanbladan, 2018ko eta 2019ko greba feministak... [+]


Gezurrak, iruzurrak eta manipulazioak Guardia Zibilak M8ko manifestazioaz idatzitako txostenean

Guardia Zibilak informazio faltsuak eta adierazpen manipulatuak sartu zituen M8ko manifestazioari buruzko txostenean, Espainiako Gobernuari pandemiaren hedapenaren errua leporatzeko, manifestazioa baimendu izanagatik. Txosten horrek ekarri du Moncloak Madrilgo erkidegoan duen... [+]


2020-03-09 | Zuriñe Rodriguez
Zuriketa morea Gasteiztik at

"Oso azkar goaz", "baina helduta goaz" esan zion emakume batek beste bati Gasteizko Olagibel kalean, justuki Ertzaintzaren komisaldegiaren parean. Eguerdiko 12:30ak ziren gutxi gorabehera. Aldi berean, toki berean, "Gora borroka feminista!" oihuak... [+]


Eguneraketa berriak daude