Iritzia

"Konturatu gabe eraso sexista baten partaide pasiboa bihurtu nintzen"

  • Alberto Fernandez Torresek iritzi testua bidali du Aiaraldea hedabidera Gabonzaharretako eraso matxista bat salatuz.

Alberto Fernandez Torres
2018ko urtarrilaren 02a

Konturatu gabe eraso sexista baten partaide pasiboa bihurtu nintzen.

Gabon Zahar gauaren ostean izan zen. Pintxo batzuk jaten nengoen bitartean gertatu zen. Bi mutil (bata heldua eta bestea gaztea) neska baten titien tamainaz barrezka zeuden.

Ordaintzen nengoen bitartean ohartu nintzen beraien tirabiraz. Begiratu nuen. Neskaren titien tamainari ere. Orduan, eskua ahozapi batekin garbitzen nengoela, gazteak esan zidan barrezka: “Tirasela haber si encestas”. Orduan bai, neskaren espresio hotzari erreparatu nion. Gertatzen ari zena gaizki zegoela ohartuz nire jarreraren kontzientzia hartu eta ezer esan eta egin gabe kanbioak hartu eta taberna utzi nuen.

Bart gauean, loak hartu ezinik nengoela pasadizo hori etorri zitzaidan burura. Nere jokabidearen kritika zorrotza egin nuen. Goizean jarrera nahiko positiboa eduki nuen, baina gauean nire jarrera pasiboak nazka eman dit. Neska horren aurpegi hotza etorri zait burura. Bere barnean ezintasuna eta “barreen objektua” izateak dakartzan sentimenduak. Eta gauza hori ulertuta nola ez kritikatu nire burua?

Zergatik ez nuen ezer esan? Zergatik ez nien esan titi handi batzuez barre egitea belarri handi batzuez barre egitea bezain zentzugabea dela? Edo zergatik ez nien esan euren jarrerak txarto sentiarazten gintuela neska, ni eta taberna guztia? Nahiz eta parrandan ibili, eurena jokabide sexista da; eta, hortaz, eraso sexista.

Badakit zeintzuk izango ziren beraien erantzunak: “¿Que te importa lo que me parece gracioso? Contigo no va la cosa. Dejame, no es tu problema”.

Eta hor utzi nahi ditut nire buruhausteak, jarrera kontzienteaz harago joan beharra dugulako. Eraldatzeko, gertatzen diren erasoei aurre egin behar diegulako. Feminismoa gizonengan ez delako egon behar bakarrik era pasiboan.

Feminismoan gizonezkoek gure ardurez kontziente izan behar dugulako. Espazio mistoak zaindu behar ditugulako eta espazio mistoak bultzatu behar direlako. Subjektu sozialak baikara, gizonezkoak eta emakumezkoak, gizartea eraldatzeko gaitasuna daukagulako biak.

Eraso sexistekin amaitzea ez litzatekeelako izan behar urte berrirako desira, sistemarekin amaitzea izan beharko litzatekeelako.

Iritzi hau Aiaraldea.eus-ek argitaratu du eta ARGIAra ekarri dugu CC by-sa lizentzia baliatuta

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sexu Erasoak  |  Matxismoa

Sexu Erasoak kanaletik interesatuko zaizu...
Eraso sexistei buruzko informazio guneak material ia guztia banatu du Sanferminetan

20.000 gida eta 40.000 esku gorri eman dituzte. Argibide gune hori 2015ean abiatu zen lehen aldiz, eta izan duen bilakaera ikusita, erreferentziazko toki bihurtu da.


Mezu matxistadun txapak atzeman ditu Foruzaingoak

Ukitzeak egiteagatik, zortzi hilabeteko espetxe zigorra ezarri diote gizonezko bati.


2018-07-10 | ARGIA
Baietzik ez bada ezetz da, Espainiako Zigor Kodearen erreformak landu nahi duen ideia nagusia

Carmen Calvok, Espainiako presidenteorde eta Berdintasun ministroak, eman du berria. Zigor Kodea berritu nahi du Espainiako Gobernuak eta helburu nagusia esaldi batean laburbildu du Calvok: “Argia eta biribila da, hau da, emakumeak ez badu berariaz esaten baietz, gainerako guztia ezetz da”.


2018-07-10 | Hala Bedi
Otxandioko azken eraso matxista salatu dute dozenaka lagunek

Eraso matxista bat egon zen uztailaren 7ko gauean Otxandion: gizon batek emakume bat erasotu zuen herriko kale erdian.


2018-07-04 | Hiruka .eus
Gaitzespena domekan Algortan gertatutako eraso sexista saiakeragatik

Getxoko Udaleko Berdintasun Zerbitzuko zinegotzia den Keltse Eigurenek gaitzetsi du egin emakume batek domekan jasan zuen bortxaketa-saiakera.


2018-07-03 | Hala Bedi
Aguraingo Mugimendu Feministak San Juan gaueko eraso sexista salatu du

Ekainaren 23ko gauean, San Juan bezperan, Aguraingo taberna batean eraso bat eman zen. Gizon heldu batek 20 urteko neska gazte bat erasotu zuen. Neskak, hasieratik autodefentsa erabili zuen eta gizonari erantzun zion. Emakume talde batek gizonezkoa bota zuen tabernatik, nahiz eta honek jarrera nahiko oldarkorra izan: “Oso biolento jarri zen”, adierazi du Aguraingo Mugimendu Feministak.


2018-07-01 | Amaia Lekunberri
Tania Martinez Portugal
"Aitzakia asko sortzen dira indarkeria sexistaren gaia mahai gainean ez jartzeko"

Bere bizipenetik abiatuta eta gertatutakoari erantzun bat emateko beharrizanari jarraituz burutu du Tania Martinez Portugalek eremu aktibistetan ematen diren indarkeria sexisten gaineko ikerketa lana. Beronen eraikuntza lanetan bigarren etxetzat izan duen Bilboko Alde Zaharreko kafetegi txiki batean elkartu gara ikertutakoaz aritzeko. “Izendatzea erresistentzia erradikal modu bat da” diosta laurogeiko hamarkadako feministak gogora ekarriz, eta jan-edanaren bueltan ekin diogu bion... [+]


2018-06-27 | Nahia Ibarzabal
Ondarroako sexu erasoa salatzeko mobilizazio jendetsua egin da

Ondarroako emakume batek salatutako sexu erasoaren aurrean herriko Udal Berdintasun Kontseiluak eta Udalak mobilizatzeko deia egin dute.


Nor ausartuko da sexu erasoak salatzera?

Horixe mugimendu feministako kideen, politikarien zein abokatuen sentipena. Emakumeek erasoak salatzera justizia sistemara jo dutenean erreakzio antifeminista abian jarri da.


Azkenak
EGILEA
Eguneraketa berriak daude