Demokratak boterean diren AEBetako estatuek erabakitako konfinamenduaren kontrako protestak biderkatuz doaz. Eta mugimendua akuilatzen dabil Donald Trump presidentea: "Minnesota askatu!", "Michigan askatu!" zein "Virginia askatu!" dioten txioak publikatzen dabil, protestan dabiltzanei animoak bidaliz. Milaka herritar –ultraeskuindarrak gehiengoan– kalean dira koronabirusaren izurritearen kontrako konfinamenduaren aurka.

Armen erabilpenari buruzko aipamena ere egin du Trumpek: "Defenda ezazue bigarren emendakin zoragarria!". AEBetako Konstituzioko bigarren emendakinak ahalbidetzen die herritarrei armen erabilpena. Bortizkeriaren erabilpena sustatzea leporatu diote demokratek Trumpi.

Koronabirusaren izurriteak 30.000 hil baino gehiago ondorioztatu ditu AEBetan eta kutsatutakoak 700.000 baino gehiago dira. Egunero AEBetan, 3.000ko batek dute bizia galtzen birus horrengatik. Osasun zerbitzua ez denez publikoa, are zailago zaie herritarrei sendatzea.