Konfiantza mozioaren botoi gorria baliatuz, EAJren aurrekontuek aurrera egin dute Gasteizen
Gorka Urtaranek (EAJ) gainditu du astelehen honetan aurkeztutako konfiantza mozioa eta aurtengo aurrekontua izango du. Bere alderdiak eta PSEk bozkatu dute alde. EH Bildu, Podemos eta Irabazi abstenitu egin dira eta PPk kontra bozkatu du.
Bi aldiz egin da bozketa eta bietan berdinketa lortuta, alkatearen kalitatezko botoa erabakigarria izan da 2017rako aurrekontua onartzeko.
PPk eta EH Bilduk aurrekontuen kontra bozkatu ostean iritsi da asteleheneko bozketa. Urtaranek konfiantza mozioa aurkeztu zuen eta, PPk jeltzalearen kontra bozkatuko zuela adierazita, erabakia EH Bilduren eskuetan utzi zuen: aurrekontuak onartzeko urratsa eman ala hiriko alkatetza arriskuan jarri.
Miren Larrion EH Bilduko bozeramaileak konfiantza galdea erabili izana kritikatu du, Berriak jaso duenez: “Inori gustatu ez zaizkion aurrekontuak ateratzeko egin duzu konfiantza galdea. Denbora galtzera ekarri gaituzu hona. Hiriko proiektuak adostu egin behar dira, ez inposatu”.
Urtaranek erantzun du “aurrekontuak luzatzeak hiria kondenatzen” duela, eta “hitz egiteko gaitasuna” behar dela adierazi dio Larrioni.
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Lazarraga elkarteak du Gasteiz antzokia kudeatzeko ardura eta programazioa antolatzekoa. Antzokiak 2023an ateak ireki behar zituen, baina oraindik ez dago martxan. Elkarteak 2023ko diru-laguntzari zegozkion 52.000 euro itzultzea proposatua zion udalari. Elkarteak... [+]