Indarkeria arrazistak goia jo du Parisen, gazte romi bat koman utzi arte jipoitu ostean


2014ko ekainaren 17an - 00:00
Azken eguneraketa: 2015-02-26 13:37:33
Quartier des Poèteseko lapurretak izan dira gazte romiari eraso egiteko aitzakia (argazkia: AFP).

Erasoa jasan duen 16 urteko gaztea joan den ostiralean aurkitu zuten konorterik gabe, supermerkatuko orga baten barruan. Poliziaren lehen ikerketen arabera, gaztea jipoitu zuten pertsonek etxe batean lapurretan aritu zela susmatzen zuten eta bere bila joan ziren bizileku duen txabola-auzora, baita bertan topatu eta indarrez eraman ere.

Ikerketaren arabera, soto batean eduki dute gaztea eta kolpe gogorrak eman dizkiote, koman utzi arte.

Romien kontrako indarkeria ugaritzen

Azkenaldian Seine-Saint-Deniseko Quartier des Poètesen lapurretak ugaritu egin direla dio Michel Fourcadek, hango hautetsi sozialista. Herritar batzuek ebasketak inguruan bizi diren romiei egotzi dizkiete eta horren ondorioa da joan den asteburuko erasoa.

Romien eskubideen aldeko mugimenduek salatu dutenez, ordea, koman utzi duten gaztearen kasua ez da salbuespena. “Geroz eta permisibitate handiagoarekin”, gertatzen dira romien kontrako ekintzak Benjamin Abtanek, EGAM mugimentu anti-arrazistako presidenteak France-Presse agentziari adierazi dionez. Abtanek gaineratu du, agintarien aldetik diskurtso aldaketa “erradikala” espero duela eta honelako indarkeria ekintzak salatzea dagokiela.

Kasu isolatuak baino ohiko praktika bihurtzen ari diren erakusgarri, 2014ko otsailean Mediapart webguneak argitaratutako erreportajea: Parisko République plazako auzotarrak diren romiak azidoz eraso zituztela publiko egin zen, baita ekintzen arduraduna maiatzaren amaieran aske geratu zela ere.


Kanal honetatik interesatuko zaizu: Arrazakeria
Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


2024-02-27 | Leire Artola Arin
"Beloak egoiliarrak aztoratu ditzakeela" argudiatu du Iruñeko zaharren egoitza batek, garbitzaile bat lanik gabe uzteko

Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]


Guztiontzat Egia, arrazakeriari eta Poliziaren gehiegikeriei aurre egiteko sarea aurkeztu dute

Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.


Senegaldarrak Monte Igeldoko giza zoologikoan

Arrazakeria zientifikoa asmatu zenetik, hamaika dira Europan zehar zabaldu ziren uste eta ideia arrazistak XIX. eta XX. mendeetan. Donostia, esklabo portu ohia izanik, ez zen zertan salbuespena izan. 1926an izan zen lehen giza zoologikoa.


Uniformeak eskola guztietan: zer dago Frantziako Gobernuak ezarri nahi duen neurriaren atzean?

Ikastetxe guztietako ikasleek uniformea eraman beharko dute 2026tik aurrera, Frantziako presidenteak iragarri duenez. Hainbat hezitzaileri galdetuta, "aniztasunaren kontrako neurria" dela garbi dute. Identitatea erakusteko eta espresatzeko modu bat da arropa, eta... [+]


Eguneraketa berriak daude