Kolonbiako bake akordioa: zein da FARCeko emakumeen egoera?

  • Irailaren 26an sinatuko dute Kolonbiako presidente Juan Manuel Santosek eta Timochenko gerrillako buruak behin betiko bake hitzarmena. Urriaren 2an plebiszitua izango da, herritarrek akordioa babesten duten ala ez ikusteko. FARC gerrilla 10. Konferentzia Nazionalean murgilduta dago egunotan eta emakumeen ahalduntzea eztabaidaren erdigunean dago.

Sara Arruabarrena Azkarate @s8ara
2016ko irailaren 26a

Bake prozesuari oniritzia eman eta alderdi politiko bat sortzeko urratsak zein diren zehaztea du helburu konferentziak. Besteak beste, abortua eta emakumeen ahalduntzea dira eztabaidagaiak. Emakumeek bakea eraikitzeko bidean egin duten lanaren aitorpena aldarrikatu dute.

Kuban bake hitzarmenaren inguruko negoziazioetan parte hartu du Pastor Alape FARC-eko buruak. Haren esanetan emakumeek “adore handia hartu dute eta aurreko mendean baino sendotasun handiagoz eztabaidatzen dute”, Resumen Latinoamericanok jaso duenez.

Abortuari babesa baina kuotarik ez

Kolonbian legez kanpokoa da abortua. Olga Marín gerrillariak azaldu du abortua babesten dutela, betiere emakumearen erabakia bada, “abortua norberaren erabakia” delako eta “emakumeok gure gorputzaren inguruan erabakitzeko dugun eskubidea” delako. Azaldu du FARC-eko kide izateko haurdunaldiak “planifikatu” behar direla eta ezin zaitezkeela ama izan gerrillaria zaren bitartean.

Kyle Johnson International Crisis Group gobernuz kanpoko erakundeko kideak salatu du FARC-ek ez duela “derrigortuta egin diren abortuen inguruan ikertu, herrialdetik ihes egin duten hainbatek salatu arren”. “Gerrillak azaldu du berdintasuna izan dela etxeko lanetan eta borrokan, baina egunerokoan Kolonbiako nekazal eremuko ohiturak azaleratzen dira, eta hirikoak baino matxistagoak dira”, gaineratu du Johnsonek. Gerrillaren zuzendaritzan emakumerik ez dagoela nabarmendu du.

Tania Nijmeijer gerrillariak azaldu du “zuzendaritzan emakume bat izateak” ez duela “berdintasunaren alde egingo duela ziurtatzen” eta ohartarazi du ez dutela kuoten alde egingo, emakumeak %40tik %50ko ordezkaritza izatea “behin-behineko neurri bat besterik ez delako”.

Kanal hauetan artxibatua: FARC  |  Kolonbia  |  Bakegintza

FARC kanaletik interesatuko zaizu...
2017-09-01 | Jon Torner Zabala
FARC eta bere futbol talde profesionala: gerrillariek ere "gol!" egin nahi dute oihu

Alderdi politiko bilakatu den FARCek futbolari gazteak hezi eta profesional bihurtzea du helburu, erakundeko Kirol Zuzendaritzako kide Edgar Cortések adierazi duenez. Blu Radio irratian egin dioten elkarrizketan, azaldu du vereda-guneetan futbola eta oro har kirola oinarri duten ekimenak burutuko dituztela, gizarteratzea xede.


2017-09-01 | Xalba Ramirez
FARCetik FARCera

Gerrilla mugimendua izatetik alderdi politikoa izatera jauzia egin du FARCek, siglak mantenduta. Izena eta logoa adostu dituzte: Guztion Indar Alternatibo Iraultzailea.


2017-06-11 | Xuban Zubiria
"Multinazionalek ahal duten guztia egingo dute bake akordioa bete ez dadin"

SAT sindikatuak gonbidatuta bi hilabete igaro ditu Luis Plaza Velez sindikalista eta irakasle kolonbiarrak Espainiako Estatuko sindikalismoa aztertzen. Euskal Herrira egindako bisita baliatu dugu Kolonbiaren gaurkotasunaz galdetzeko.


Erresistentzia martxa koloretsua

Kolonbiako herri indigenetako milaka lagunek “lurraldea, bizitza eta herrien duintasuna” aldarrikatu dute Jamunditik Calirainoko martxan. Gobernuaren eta FARC-en arteko akordioaz geroztik 180 herritar indigena hil dituztela eta herri indigenen aurkako giza eskubideen urraketa etengabea dela salatu dute ondorengo komunitateetako kideek: Guainia, Meta, Guajira, Amazonas, Misak eta Chami. Amalurra defendatu eta babesteagatik beldurtzen, hiltzen edo herrietatik botatzen dituztela salatu... [+]


Hogei egunez luzatu dute FARC-EPren armagabetzea, bake prozesuaren atzerapenagatik

Hiru astez luzatu dute FARC-EPren armagabetze prozesua; maiatzaren 30ean zen amaitzekoa, hasierako akordioaren arabera, baina ekainaren 20ra arte luzatu dute epea. Gobernuak ez ditu bake prozesurako azpiegiturak burutzeko epeak bete, eta atzerapenak eragin ditu.


2017-05-03 | Unai Aranzadi
Kolonbia ikusezina
MULTIMEDIA - dokumentala

Edozein gatazka konpontzeko horren arrazoiak ezagutu behar dira, zergatik ez ote dira Kolonbiarenak ezagutzera ematen? Santos presidenteak nazioarteko proiektu erraldoi baten inaugurazioan xanpaina edaten duen bitartean, handik gertu, proiektu horren erruz lekualdatutako haurrak hiltzen dira. Gerrillaren buruetako bat hil dutela esaten du Reyes jeneralak, baina ordu gutxira, indigenen buru zela onartzen du. Hiru haurren bortxaketagatik eta hilketagatik auziperatutako militarren kasua ikertzen... [+]


Kolonbiako Gobernua ez da Habanako bake akordioa betetzen ari

FARC-EP gerrillako buruek, Bogotan egindako prentsaurrekoan, salatu dute Kolonbiako Gobernua ez dela betetzen ari Habanako bake akordioetan adostutakoa. Ez ditu eraiki desmobilizaziorako eta armagabetzeko beharrezko azpiegiturak, eta horrek prozesua atzeratzea eragin du. Gainera, FARC-EPren erretiratzearekin paramilitarren ofentsiba gogortzen ari da, eta gobernuak ezikusiarena egiten du horren aurrean.


Bake akordio berria sinatuko dute gaur Kolonbian, oposizioaren ezetzaren aurrean

Bake akordio berriaren sinatze ekitaldia egingo dute gaur Kolonbiako Gobernuak eta FARC gerrillak. Bigarren akordio hau Kongresuan onartuko da, lehenengoan erreferendum bidez ezezkoa gailendu ondoren. Bogotako Colon antzokian egingo dute ekitaldia, Euskal Herrian arratsaldeko bostak direnean.


Lehen ezetzaren ostean, bake akordio berria sinatu dute FARCek eta Kolonbiako Gobernuak

Bake akordio berria sinatu zuten Kolonbiako Gobernuak eta FARC-EP gerrillak azaroaren 12an La Habanan. Erreferendumean ezezkoaren alde egin zuten herritarren proposamenak entzun eta hainbat aldaketa egin dituzte, komunikatu bateratuan azaldu dutenez.


Bakearen Aldeko Kanpamentuak bi aste egin ditu Bogotako Bolivar plazan

Bolívar plaza erdian, Bogotako plaza nagusian, Bakearen Aldeko Kanpamentua mantentzen dute hainbat pertsonak urriaren 5etik, plebiszituan ezezkoak irabazi ostean. Ez dituzte hala nolako bizilagunak aukeratu: Kolonbiako Kongresua, Bogotako alkatetza, Justizia Jauregia eta Kolonbiako artzapezpikutzaren egoitzek inguratuta daude. 300 lagun inguru daude egun bertan bilduta.


Azkenak
EGILEA
Eguneraketa berriak daude