Kolera eta gosetea zabaltzen doaz Haitin urakanetik astebetera
Urriaren 4an Matthew Urakanak Haitiko hainbat herri astindu zituen. 473 hildako eta 339 zauritu eragin zituen, Herri Babeseko Erakundeak egindako azken txostenak azaltzen duenez. 900 inguru izango lirateke hildakoak, aldiz, Gobernuz Kanpoko Erakundeen datuen arabera.
230 kilometro orduko haize ufadek eta euriak eragindako uholdeek, 300 eskola inguru suntsitu zituen, eta beste batzuk aterpe modura erabiltzen ari dira. Ondorioz, gutxienez 100.000 ume gelditu dira eskolarik gabe, Haurren Laguntzarako Nazio Batuen Funtsak zabaldu duenez.
Haitiko Osasun Ministerioaren datuen arabera, 20 pertsona hil dira dagoeneko kolerak jota, eta beste 129 ospitaleratu dituzte gaixotasun beragatik. Horrek bereziki kezkatu ditu bertan lanean ari diren medikuak, BBCk zabaldu duenez. Izan ere, 2010eko lurrikarak kolera agerraldia eragin zuen Haitin, eta 10.000 hildako inguru eraman zituen.
Laborantzan ere eragin du Matthew Urakanak, lurra kaltetuta baitago. Horren ondorioz, gosete handi bati egin beharko dio aurre Haitik, Pierre-Andre Dunbar Haitiko enbaxadoreak adierazi duenez. Haiti munduko gosete indizean laugarren herrialdea zen dagoeneko. Hortaz, laguntza “premiazkoa” dela azaldu du enbaxadoreak. Nazio Batuen Erakundeak ere, 106,5 milioi euroko laguntza eskatu du hondamendiari aurre egin ahal izateko.
Pasa den ostiralean bete ziren 220 urte Toussaint Louverture hil zela, Haitiko 1791ko esklaboen iraultzaren buruzagia. Askorentzat, garai hartako politikari garrantzitsuena izan zen Louverture, ez bakarrik Napoleon Bonaparteren gudarostea garaitu eta Amerikako lehen herrialde... [+]
Haitiko egoera 2010etik okerrena da, 2,6 milioi haurrek laguntza behar baitute: 4,7 milioi biztanle daude gosez. Ezegonkortasun politikoak eta koleraren hedapenak eragin dute herrialdearen muturreko egoera.
Guadalupe (Karibe itsasoa), 1772 inguruan. Solitude izeneko esklabo mulatoa jaio zen Capesterre-Belle-Eau herrian. 1794an, Haitiko iraultza betean eta Antilletako egoera pil-pilean zela, Solitudek errebelde talde batekin egin zuen bat, Desfoneaux general frantziarraren erasoari... [+]
