Koherentea al da ezkerrak Facebook erabiltzea?
Ezkerreko militanteek Facebook sareaz egiten duten erabilera kezkagarria da. Hala uste dute Nadir kolektibo tekno-aktibista alemaniarreko kideek. Zuckerbergen asmakizuna datuak prozesatzeko makina izateaz gain, militanteek euren burua eta mugimendu osoarena konprometitzeko egina dela uste dute, euren webgunean azaldu dutenez. Beste kolektibo alternatibo eta antikapitalista batzuk, Nodo50 eta Riseup esaterako, bere egin dute Nadirren adierazpena.
Kalean eta taldean era guztietako borroka eta eztabaidetan parte hartu ondoren, ezkertiar askok Facebook erabiltzeko joera salatu dute. Esplotazioaren bidea hautatzen dute, tentazioari ezin eutsirik.
Zein da Facebooken gaitza?
Nadir kolektiboak azaldu duenez, erabiltzaileak edozein informazio partekatzean guzti hau Facebooken esku uzten du. Sare honek datu horiek erlazionatzeko duen gaitasuna izugarria dela diote, interneten zokoak ezagutzen ez dituen batek nekez ulertzeko modukoa. Halaber, ekintzaileak ez du bere burua soilik konprometitzen. Azpimarratu dute kideak eta kolektiboak nahi gabe salatzen dituztela.
Facebookek erabiltzaileen datuen eta profilen salerosketa egiten du eta, ondorioz, pertsonak produktu bilakatzen ditu kolektiboaren ustez.
Interneten inguruan ezjakintasun handia dagoela onartzen dute, eta hori dela egoera hau eragiten duena. Horregatik, Facebook “etsai politikoaren” aurka altxatzeko deia egiten dute, ezkerrak “Troyako zaldi” hori alde batera utzi behar duela uste baitute.
Facebook eta bestelako sare sozialek erabiltzaileen datuen erabilera eztabaida politikora ekartzea ezinbestekoa dela uste dute artikuluarekin bat egiten duten kolektiboek.
Irakurri artikulu osoa Nadir kolektiboaren webgunean (gaztelaniaz)
Ez dut argi kontzientzia kolektiboa zelan ulertu ohi den; zutabe honetan honela ulertzen dut: momentu bat non gizarteko pertsona gehienak errealitate baten gainean ulermen partekatu bat dugun. Adibidez, denok ulertzen dugu zeinen garrantzitsua den etxebizitza bat izateko aukera... [+]
Europar Batasunean inoiz enpresa bati ezarri dion isunik handiena jarri dio Facebook, Instagram eta WhatsApp-en jabe den enpresari, Meta-ri, herritarren datuen babeserako arauak urratzeagatik. Edonola ere, 1.200 milioiko zigor hori 2022an Metak izandako irabazien %5 inguru... [+]
Bi urtez gaia ikertu ondoren, The Guardianek erreportaje bat argitaratu du, haurrak salerosten dituzten gaizkileek Facebook eta Instagram plataformak erabiltzen dituztela salatzeko. Sexu trafikotik bizirik atera diren adingabeei laguntzen dien Courney’s Houseko Tina Frundt... [+]
Googleren eta Facebooken adimen artifizialeko tresnak entrenatzeko erabilitako datu-multzoa aztertu du The Washington Postek, Allen Institute for AI-rekin elkarlanean. Internetetik hartutako milioika edukiren artean gorroto-diskurtsoak bultzatzen dituzten webguneetakoak ere... [+]
Alemaniako Gobernu Federalari Facebookeko bere orria erabiltzeari uzteko agindu dio Ulrich Kelberrek, Alemaniako Datuak Babesteko eta Informazio Askatasunerako Komisario Federalak (BfDI). Lau asteko epea izango dute agindua bete edo apelazioa aurkezteko.