Bilboko Bizkaia Aretoan egingo da, abenduaren 19an, Klimagune Workshopen laugarren edizioa, BC3 (Basque Center for Climate Change) ikerketa zentroak antolatuta. Gaia zein izango den jakiteko, izenburuari begiratzea onena: Aukerak, erronkak eta oztopoak iraunkortasunerako trantsizioetan klima aldaketaren testuinguruan.
Foroaren helburua klima aldaketaz eztabaidatzea da, eta “Zientzia eta Teknologiaren Euskal Sareko eragile guztiei zabalduta dago”, BC3ren webgunean irakur daitekeenez. Aurtengoan trantsizio ereduei erreparatu nahi diete batik bat; beti ere, klima aldaketaren testuinguruan jasangarritasuneranzko bidea aurkitu nahian.
Jardunaldiaren aurkezpen testuan BC3k dioenez, onarpen zabala du klima aldaketak jendartearen egituretako asko aldaraziko dituelako ideiak. Are gehiago, egitura horietako asko transformatzeko premia dugu honezkero. Bereziki nekazaritzan, garraioan, energian eta hirien antolakuntzan behar da eraldaketa.
Azken 30 urteetan aurrerapenak izan arren, garapen jasangarria sustatzeko bide tradizionalak ez dira gauza izan klima aldaketaren ondorioak leuntzeko, BC3ren esanetan. “Trantsizioak fenomeno konplexuak dira eta ez daude arriskutik eta ziurgabetasunetik at”, diote. Eta bide horretan, gaineratzen dute, zientziak funtsezko ezagutza eskain dezake.
Jardunaldiaren egitarau osoa ikusteko klikatu hemen.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]