ELA sindikatuak bultzatutako Legegintzako Herri Ekimena (LHE) du oinarri lege horrek. 110.000 pertsonak sinatu zuten ekimen hori, baina ELAk salatu du EAJk eta PSEk boikot egin diotela hasierako testu horri: “ELAk aurkezturiko ekimenak eta gaur onartutako legeak ez dute elkarren antzik”.
Gasteizko Parlamentuak onartu du kontratazio publikoak klausula sozialak txertatzeko legea; instituzioei zerbitzuak eskaintzen dizkieten langileek lan-baldintza duinak izatea da helburua, EAJren eta PSE-EEren iritziz. Eusko Legebiltzarreko alderdi guztiek bozkatu dute legearen alde, EH Bilduk izan ezik.
ELA eta LAB sindikatuek kritikatu egin dute legea. “Ez die bermerik emango euskal administrazioen menpeko azpikontratetako 55.000tik gora langileei”, salatu du ELAk. “Bi alderdi horiek gehiago begiratzen die enpresen etekinei, langileen baldintzei baino”, gehitu du.
LABek Gasteizko Legebiltzarrera eraman du protesta, eta “lotsagarritzat” jo du EAJren eta PSE-EEren jarrera: “Klausula sozialak txertatzeko legetzat hartzen badute ere, itxi egin nahi dute klausula sozialen benetako aplikazio eraginkorra”.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]