Irrati libre berri bat sortu dute Beran, 102.5 frekuentzian entzungai dagoena. Kaxerna gaztetxeko kideen proiektua da: “Herrian dagoen hutsune bat betetzeko asmoarekin jarri dugu martxan egitasmo hau”.
“Karakola bezala mantso, lasai” jarri dute martxan proiektua, helburu finko batean baino, “marrazten” ari diren arrastoan arreta jarriz.
Berako “ahots” berriak bost irratsaio ditu: Mari Xulufrai saioan ipuinak kontatuko dituzte, Kalianberan eguneko gaiak jorratuko dituzte eta Uhin Arrastoen Bilan musikaz gozatzeko parada izanen da. Deus Galdetu Gabe saioak eztabaidarako tartea eskainiko die entzuleei. Bukatzeko, Hautsontzi eta Zerbeza saioa “sasi-jakintsuen arteko filtrorik gabeko tertulia umoretsua” izanen da.
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.