'Kaxa hutsak', iheslarien bizipenak jasotzen dituen dokumentalaren crowdfunding kanpaina abian da

  • Euskal iheslarien bizipenak ezagutarazteko Kaxa hutsak ikus entzunezko egitasmoa jarri du martxan Bostok Photo argazki kooperatibak.


2014ko urriaren 21an - 00:00
Azken eguneraketa: 2015-02-26 13:37:33
Filmeko zenbait fotograma ikusgai jarri dituzte egileek.

Horretarako, crowdfunding kanpaina jarri dute abian Karena plataforma digitalean: 20 eurotik hasi eta 750 eurorainoko laguntza eman dezakete bertan taldeek eta norbanakoek.

Guztira, 12.000 euro behar ditzute 2012an hasitako proeiktua aurrera eramateko.

Iheslarien gaur egungo egoera ezagutaraztea da proiektuaren xedea. Errefuxiatuen bizitza dokumentatu eta irudikatu nahi dute egileek. “Lehen pertsonan azaldu nahi ditugu beraien egoerak eta pairatzen dituzten gizarte arazoak”, azaldu dute.

Dokumentalean 6-8 iheslariren egoerak kontatuko dituzte, garai eta egoera ezberdinetan ihes egindakoak, kolektibo handi horren irudi “ahalik eta zabalena” eskaintzeko.

Joseba Sarrionandiaren poema batekin laburtu dute egitasmoaren oinarria: "Exilioa, armairu batean ezkutatzea da, norbaitek zabalduko duenaren beldurrarekin, baina baita inork, sekula irekiko ez duen beldurrarekin ere".

Egitasmoaren sustatzaileek ez dute armairu horretako ateak irekitzeko asmorik, baina diotenez barrura begiratu nahi dute: “Zenbat neurtzen duen jakin nahi dugu, barruan nola bizitzen den, bizitzerik baden galdetu eta besteei armairua izan badela erakutsi”.


Kanal honetatik interesatuko zaizu: Iheslariak
2023-05-05 | Gedar
Nortasun zedula eskuratu du Asier Guridi iheslari politikoak

Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.


Luis Roncero eta Anartz Aranbarri iheslari ohiak Euskal Herrira bueltatu dira

Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira. 


20 urte bete ditu Ataramiñe argitaletxeak, eta antologia bat ondu du urteotako hainbat lanekin

2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]


Nguyen Van Dong, euskal errefuxiatuen aldeko keinu ahaztua

Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.


Xanti Zapirain errefuxiatu historikoa eta idazlea hil da

Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]


Eguneraketa berriak daude