Kattalingorri (LGTBI): "Garrantzitsuena zera da, gobernuak zer nahi dugun adierazteko aukera eman digula"

  • Aurreko gobernuetan LGTBI politikak ez dira agenda politikoan egon Kattalingorriren esanetan eta egun, aldiz, politika mota hauek aktibatu egin dira.


2016ko abenduaren 21an - 11:56
LGTBI mugimenduaren manifestazio bat Iruñean.

Nola baloratzen duzue Nafarroako Gobernuak 16 hilabetetan zuen esparruan egin duen lana?

Argi dago gobernuak LGTBI kolektiboarekin izan duen jarrera gertua izan dela. Gertutasuna erakutsi dute eta hasieratik gurekin eseri eta hitz egiteko prestutasuna adierazi dute. Guk geuk historikoak izan diren aldarrikapenak azaldu dizkiegu eta orain arte egin ditugun prozesu politikoak kontutan hartu dituzte; baina garrantzitsuena zera da, zer nahi dugun adierazteko aukera eman digutela. Aurreko legegintzaldietan mugimenduok egindako lana, batez ere, aldarrikapenezkoa izan da soilik. Denbora horretan, gutxi izan dira administrazioek egindako ekintzak, eta urriak eskaini dizkiguten baliabideak.

Aurreko gobernuetan LGTBI politikak ez dira agenda politikoan egon. Egun, aldiz, politika mota hauek aktibatu egin direla esan dezakegu. Dena den, LGTBI politiken ibilbidea oso eskasa da. Honekin esan nahi duguna zera da, sexu aniztasunaren bisibilizazioa kolektibook egin behar izan dugula eta administrazioaren papera tolerantzia pasiboa izan dela. Kolektiboek (EHGAMek batez ere) 90. hamarkadaren bukaeran gogoeta sakonak egin ondoren, sexu aniztasunaren gaia lantzerako orduan administrazioak parte aktiboa izan behar zuela ondorioztatu genuen. 2000. urtean Iruñean sortutako Kattalingorri elkartea aldarrikapena eta laguntza uztartzeko helburuarekin sortu genuen arreta espezifikoa emateko eta gizartea sensibilizatzeko alegia. 16 urte igaro ditugu prekarietate hutsean murgilduta eta orain, gobernuan eman den aldaketaren ondorioz, LGTBI politikak aktibatzeko lehenengo mekanismoak sortu dira.

Zuen esparruan nora heldu beharko litzateke Gobernua gelditzen zaion legealdi denboran?

Alde batetik, gure asmoa Gobernuarekin izaten ari garen interlokuzioa indartzea eta kanal berriak sortzea da eta bestetik, autonomoa izango den eta eroso sentitu ahalko garen esparru bat administrazioan izatea. Bestela esanda, LGTBI eremu, esparru eta arlo espezifikoa sortzea.

Era berean, transexualitateak dakartzan konplexutasunei heldu behar zaie eta trans kolektiboak dituen ezagutza eta jakinduria aurrez aurre azaldu behar dira, hau da: klinika eta biografiek jarrera ulerkorrago bati heldu beharko diote lazkeria leundu ahal izateko.

Kasu batzuetan transexualitate prozesuari heltzeko egiten diren diagnostiko klinikoek ondoeza dakarte. Zentzu honetan, hemen bada zer egiterik, eta klinikak gogoeta sakona egin beharko luke. Bide honetan, trans kolektiboei hitza eman behar zaie malgutasunari eta despatologizazioari heltzeko.

Gobernuak LGTBI esparrua eta politikak finkatu behar ditu, esan den moduan mekanismoak aktibatu behar dira planteatu ditugun estrategiak sustatzeko.

Jarriko diozu nota bat Gobernuari 0tik 10era?

Zortzi.


Kanal honetatik interesatuko zaizu: LGBTI
LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Elena Guinea. Guztiontzako guneak sortzen
“Taberna bat edukitzea ardoak ateratzeko bakarrik, paso”

Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


2024-01-08 | ARGIA
LGBT+ eragileek Baionako apezpikua salatu dute Aita Santuak bikote homosexualez esandakoa desitxuratzeagatik

Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]


2023-08-24 | Ilargi Manzanares
Pertsona trangeneroen aurkako erasoak handitu egin dira

Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.


Eguneraketa berriak daude