Gomazko piloten erabilera debekatzea aztertzen ari dira Katalunian
Kataluniako barne-sailak istiluen kontrako estrategiaren inguruan gogoeta egingo du. Ramon Escadaler kontseilariak esan duenez, gomazko piloten erabilera bertan behera uztea erabakitzen badute, polizia eredu osoaren berrikustearen ondorio izango da. Gaur Kataluniako hedabideek jaso duten albistea da.
Barne-kontseilariak onartu du gomazko piloten aurkako giroa dagoela gizartean. Dena den, analisia orokorra izango dela azpimarratu nahi izan du, erabakia testuinguruan kokatu gabe hartzea “akatsa” bailitzake bere ustez. Escadalarrek muga bakarra jarri dio berraztertzeari: “Ordena publikoa ziurtatzea”. Gauzak horrela, ez dira egongo azaroaren 14ko greban begia galdu zuen emakumearen epaiketan zer gertatzen den ikusteko zain.
Parlamentuan osatuko den batzordeak dioena kontutan hartuko dutela azaldu du kontseilariak, nahiz eta ez duten “barne gogoeta geldituko” hortik ateratzen dituzten ondorioak jaso arte.
Bestetik, erizain batek Ester Quintanak begian jasandako lesioa gomazko pilota batek eragindakoa den tesia indartu du. Hark dioenez, ez zuen zikinkeriarik edo inolako arrastorik. Honek, kolpea garbia izan zela baieztatzen du, eta manifestatzaileek bota zitzaketen hainbat objektu baztertzen ditu.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
