Kataluniako kontsulta legea indargabetu du Konstituzionalak
Ez-ohiko bilkuran hartu dute erabakia Espainiako Auzitegi Konstituzionaleko magistratuek. Horrekin batera, 2014ko azaroaren 9rako egin zen lehenengo kontsulta deialdia ere konstituzioaren aurkakoa dela ebatzi dute. Duela sei hilabete indargabetu zuten legea behin-behineko, Espainiako Gobernuaren helegiteari erantzunez.
Oraindik epaiaren xehetasunak zabaldu ez badituzte ere, aho batez bota dituzte atzera magistratuek kontsultarako deialdia eta Kontsulta Legea. Konstituzionalak 2010eko Kataluniako Kontsulta Legearen inguruko sententzia aurkeztea ere espero zen epai honekin batera, baina ez da hala izan.
Erabakia jakin bezain laster erreakzioak izan dira Katalunian. Artur Mas Generalitateko presidentearen iritziz Espainiako Estatuak “hauteskundeen bidea soilik uzten du” Kataluniaren etorkizuna aukeratzeko. Alfred Bosch Madrilgo kongresuko ERCren bozemaileak ere irailaren 27an izango diren hauteskunde plebiszitarioak ekarri ditu gogora. Kongresuan zuzendu zaio Mariano Rajoyri “irailearen 27an independentzia erreferenduma egingo dela” onartzeko esanez.
Herri mugimendua “inoiz ezingo duela indargabetu” adierazi du ICVko Joan Coscubielak Madrilgo kongresuan. Bere ustez, arazo politikoa dagoela baieztatzen du Konstituzionalaren epaiak.
Kataluniako parlamentuko CUPen ordezkari David Fernandezek “Espainiako Auzitegi Konstituzionala berandu iritsi dela” nabarmendu du. Kataluniak “bere konstituzionaltasun propioa eraikiko du” gehitu du Fernandezek.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]