Kataluniako erreferenduma babesteko sinadurak biltzen ari dira EHUko hainbat irakasle

  • EHUko irakasle talde bat eta euskal gehiengo sindikala urriaren 1ean Katalunian egitekoa den erreferendumarekiko elkartasun-adierazpena bultzatzen dabiltza.

Hiruka .eus
2017ko abuztuaren 30a
Gure Esku Dagok Kataluniarekin elkartasunez maiatzean egindako elkarretaratzea (argazkia: EITB).

Mila Amurriok, Helena Francok, Pedro Ibarrak, Petxo Idoiagak, Ane Larrinagak, Iñaki Lasagabasterrek, Francisco Letamendiak eta Ramon Zallok izenpetu dute manifestua, Garbiñe Aranburu (LAB), Biktor Galarza (Hiru), Alazne Intxauspe  (Etxalde), Txiki Muñoz (ELA), Txejo Ortega (ESK) eta Ana Pérez (Steilas) sindikalistakaz batera. Haien helburua "ahalik eta sinadura gehien ahalik eta epe laburrenean" (irailaren erdialdera arte) batzea da. Prestatu duten webgunean eman daiteke atxikimendua.

Adierazpenean, Kataluniako Gobernuaren zein Parlamentuaren gehiengo zabalak deitutako "erreferendumaren legitimitate demokratikoa" aldarrikatzen dute eta hango jendarteak Estatu propioa izatearen inguruan galdekatua izateko duen "gogoa" azpimarratzen dute sinatzaileek.

Aurrekoagaz batera, PPren gobernua kritikatzen dute, "PSOE eta Ciudadanos alderdien konplizitateaz baliatuz, erreferendum hori bitarteko oro erabiliz eragotzi nahi duelako, emaitzei beldurra dielako". Diotenez, urriaren 1ean, "erabakitzeko bere eskubidea burutzea nahi duten Kataluniako herritarren eta eskubide hori eragotzi nahi duen Estatuaren arteko talka gertatuko da"; hori da Kataluniaren aldeko beraien elkartasunaren jarreraren arrazoia.

Horregatik ere deitoratzen dituzte erreferendumaren aurrean agertutako bi jarrera: "hitzez herrien autodeterminazioaren alde egonik ekintzez erakusteko aukera agertzen den honetan, Estatuak eragindako berme ezaren erantzukizuna demokratei leporatuz, atzera egiten duten horien koherentzia eza’ eta ‘Eusko Jaurlaritzaren elkartasun eza, (…) Rajoyen gobernuarekin egindako akordioak PPko gobernua sendotu eta Kataluniako instituzio demokratikoak ahultzen dituztelako".

Gainera, "erreferendum horren alde deituko diren mobilizazioekin bat" egiten dute: Bartzelonan bertan, irailaren 11ko Diadako deialdiagaz eta, bereziki, Euskal Herrian, Gure Esku Dagok irailaren 16rako Kataluniaren erabakitzeko eskubidearen alde Bilbon deitutakoagaz.

Albiste hau Hirukak argitaratu du eta CC-by-sa lizentziari esker ekarri dugu ARGIAra.


Katalunia independentziarantz kanaletik interesatuko zaizu...
"A por ellos"

Gasteizen, erregimenarentzat arriskutsua zen mugimendu asanbleario bat zapaldu nahi izan zen eta herri oso bat atera zen kalera. Katalunian ere egungo erregimena kinkan jarri du prozesu independentista transbertsal eta zabalak.


Katalunia, Espainiaren aukera

Hamaikagarren aldia da Espainiako Estatuaren izaera inperialista eta totalitarioa konstituzioaren atzean ezkutatzen ikusten ditugula PP eta PSOE. Itxurak besterik ez dira, izan ere, Espainiako Estatuan (mundu osoan ez bada) demokrazia hitz hutsa dela antzezlan honetako aktore guztiek ongi dakite. Guztiek. Espainiako ezkerrak ere bai.

Bere burua ezkerrean kokatzen duten espainolek, kontinente oso bat masakratu eta ustiatu zuen inperioaren eta frankismoaren oinordeko izateari utzi eta beste... [+]


Espainiaz

Mugitzen ez denak ez ditu kateak sentitzen. Eta kateatu zaituen horrek aske zarela esango dizu alde egiten saiatzen zaren arte. Baten bati zalantza izpirik geratzen bazitzaion, Kataluniako aferak argi utzi du Espainia ezker-eskuin zer den.

Eskuin. Espainian ez du eskuinak agintzen, Espainian muturreko eskumak agintzen du. Francoren espirituak kuku egin digu berriz ere azken asteetan. Diktadurako errifleen berunez egin zen konstituzioaren moldea, eta molde hori da herriak lotu eta manu... [+]


2017-10-22 | Bea Salaberri
Moltes grÓcies

Egunak aitzina doaz iritzi honen idazteko epea agortu artean jarduteko gaien zerrenda egiten, ondorio bakarrera heltzeko: zertaz idatzi ez bada Kataluniaz, zertaz idatzi ez bada aspaldiko partez interes, ilusio eta zirrara eragin dizkigunaz? Nahiz bestalde nehon agertu ez den zer erranik gutxi egon jada, eta ezin jakin hau agertuko denerako zertan egonen den gaia, erremediorik ez. Horrela, esker beroak zuzendu nahi nizkioke azken asteetan hainbat mailatan egunerokotasun geza inarrosi duen... [+]


2017-10-18 | ARGIA
Espainiako Gobernuak 155. artikuluari ekingo dio eta Puigdemontek dio independentzia aldarrikatuko dutela

Kataluniako bi milioi herritar baino gehiagok autodeterminazio erreferendumean bozkatu zuten urriaren 1ean, Espainiako Estatuko poliziaren eraso larriei aurre eginez. %90 inguruk baiezkoaren alde bozkatu zuen. Geroztik, mahai gainean da Katalunia estatu independente izateko aukera. Unean uneko gertakariak jarraitzen ari gara.


2017-10-17 | Xabier Letona
Errepresioa ala elkartasuna

 Jordi Sanchez eta Jordi Cruixarten espetxeratzeak beste jauzi bat ekarri du Espainiaren lasterketa errepresiboan, lehenbiziz espetxeratu baititu Kataluniako independentistak, kalean helburu horren aldeko manifestazioak egiteagatik.


2017-10-17 | Estitxu Eizagirre
CDRak: Kataluniakoa berezi egiten duen herritarren defentsa

Errepublikaren Defentsarako Komiteak auzoko asanbladak dira: bertan herritarrak elkartzen dira, Espainiako Estatuaren errepresioari aurre egiteko eta desobedientzia ekintzak burutzeko. Graciako CDR bateko kideak azaldu digu nola antolatu diren orain arte eta egokitzeko fasean daudela.


2017-10-16 | ARGIA
"Els carrers seran sempre nostres" kamiseta salgai

Kamiseta hau erosita, bi euroko ekarpena egingo diozu Kataluniako La Directa herri hedabideari, eta bi eurokoa ARGIAri, Kataluniako independentzia prozesua epe ertainera ere zorrotz jarraitzeko. Informaziorik gabe ez dagoelako demokraziarik, kazetaritzan ere sustatu independentzia!


2017-10-16 | Hala Bedi
"Kataluniakoa da 78ko erregimenak izan duen krisirik sakonena, eta indar hori ekarri nahi dugu"

Urriaren 12an aurkeztu zen #Agur78 ekimena, 1978an Espainian ezarritako eredu politikoarekiko haustura aldarrikatzeko. Katalunian ikus daiteke, egun, erregimen zahar horren arrakalarik handiena, eta Euskal Herrian ere horren antzeko mugimendua sortzea dute helburutzat ekimeneko kideek.


2017-10-16 | Gure Esku Dago
Gu beti Kataluniarekin
MULTIMEDIA - bideo herrikoia

Erabakitzeko eskubidearen aldeko plataformak Kataluniako prozesua babesteko bideoa sareratu du Bilbon egindako mobilizazioen irudiekin.


Azkenak
EGILEA
Eguneraketa berriak daude