Kataluniak Lituania eta Letonian jaso duen babesa eten nahi du Madrilek

  • José Manuel García-Margallo Espainiako Atzerri ministroa Lituania eta Letoniako enbaxadoreekin bildu da gaur, bi herrialdeetako lehen ministroek Kataluniako mugimendu independistari adierazi dioten babesa dela eta.


2013ko irailaren 16an - 00:00
Azken eguneraketa: 2014-03-25 09:12:03

VilaWeb-en arabera, Margalloren ekimenez antolatu dira bilerak, enbaxadoreek lehen ministroen adierazpenek zergatik eta zein testuingurutan egin ziren azaltzea nahi baitu. 9:30etan bildu da ministroa Lituaniako ordezkariarekin; Letoniakoarekin 12:30etan.

Letonia

Diadaren ostean, Letoniak Katalunia independentea aitortuko lukeen galdetu zioten herrialdeko lehen ministroari. Hala erantzun zuen: “Prozesuak zilegitasun osoa badu, teorikoki hitz eginez, zergatik ez?”.

Valdis Dombrovskis lehen ministroak ACN agentziari egindako adierazpenetan adierazi zuen Via Catalana “oso mezu indartsua” izan zela eta beharrezko ikusten zuela kasu egitea. Bere ustez Espainiako Gobernuak aukera ezberdinak aztertu behar lituzke Kataluniako independentisten eskaerak aintzat hartzeko.

Lituania

Lituaniari dagokio orain Europar Batasunaren txandakako presidentetza. Bertako lehen ministro Algirdas Butkeviciuk ere adierazpenak egin zituen ‘Via Catalana’ ekimenaren harira.  “Ongietorriak dira herrien elkartasuna eta autodeterminazioa aldarrikatzeko ekimen baketsu guztiak”. Bere hitzetan, herrialde guztiek dute erabakitzeko eskubidea, eta beren bide propioa egitea dagokie.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude