Institut d'Estudis Catalans akademiak egin du ikerketa (Informe sobre la situacio de la llengua catalana (2005-2007). Laburrean azalduta ondokoak dira emaitzak:

Kataluniako erdialdean: %80k baino gehiagok darabil katalana etxean.

Aragoiko mendebaldeko eremuan: %60-80k.

Kataluniako gune urbanoetan eta Balear irletan: %40-60 artean.

Valentzian eta Andorran: %20-40k hitz egiten dute katalana etxean.

Rossellon (Ipar Katalunia): %20 baino gutxiagok.

Sardiniako Alguer hirian: %20 baino gutxiagok.

Eremu pribatuan katalanak atzera egiteko arrazoiak bi dira batez ere: belaunez belauneko transmisioa etetea eta administrazioek hizkuntzari etengabe jarritako trabak.

Valentzian, Ipar Katalunian eta Alguer hirian katalanak atzera egin badu, Katalunia da eremu pribatuan katalanak aurrera egin duen esparrua.