Kapitalismoaren kalteei Euskal Herritik aurre nola egin aztertuko dute
Joseba Barandiaran eta Yolanda Jubeto ekonomialariek hitzaldia emango dute maiatzaren 19an Bilbon, Jakin Fundazioak antolatuta, “Kapitalismoaren krisiaren aurrean zer egin?” izenburupean.
Jakin Fundazioak eta Martin Ugalde Foroak antolatuta krisi ekonomikoa eta eredu kapitalistaren inguruko hausnarketak egingo dituzte Bilboko Kafe Antzokian bi ekonomialariek. Barandiaran ekonomia gaietako iritzi-emailea da; Jubeto EHUko ekonomia aplikatuko irakasle da eta ikuspegi feministatik aztertu izan du ekonomia.
Ekitaldia Jon Fernandez kazetariak gidatuko du eta kapitalismoaren kalteei Euskal Herritik nola aurre egin eztabaidatuko dute. Barandiaranen esanetan “behetik gorako herri mugimenduen indar eta gaitasunean dago, egotekotan, biharko euskal ekonomiaren gakoetako bat”.
Jubetok, etorkizunari begira “taldeak” duen indarrari ematen dio garrantzia, feminismoak erakutsi duen moduan: “Kapitalismoak hainbeste bultzatzen duen planteamendu indibidualista apurtu eta komunitate baten kide izateak ematen duen indarraz ohartarazi du feminismoak”.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]