argia.eus
INPRIMATU
“Kalitatezko sistema” lortzeko neurriak eskatu ditu Gipuzkoako Sendagileen Elkargoak
  • Elkargoak kezka adierazi du Lehen Mailako Arretak EAEn bizi duen egoerarekin eta profesionalen lan baldintzekin, eta sistema berrantolatzeko beharra azpimarratu du. Eusko Jaurlaritzari hiru esparrutan neurriak hartzea eskatu dio; agendaren autokudeaketa, kudeaketa horizontala eta biztanleriarekiko lana. 

Leire Rodriguez Garmendia @leirero_22 2023ko apirilaren 13a

Gipuzkoako Sendagileen Elkargoak Lehen Mailako Arretak Gipuzkoan nahiz EAE osoan bizi duen egoerarekin eta profesionalen eta gaixoen beharretara egokitzen den “kalitatezko sistema” bat lortzeko neurriak behar direla esan du asteazkenean ohar batean, Lehen Mailako Arretaren egunean.

Elkargoak kezka adierazi du profesionalek bizi dituzten lan baldintzekin, eta salatu du askok “ondoez psikikoa” pairatzen dutela. Horretarako, osasun arloko agintariei eskatu die “neurri egonkorrak” hartzeko lanean jar daitezela eta osasun zentroek bizi duten egoera aldatzeko: “Arrisku larrian jartzen da gure osasun sistema publikoa, kalitatezko arreta eta gaixoen segurtasuna”. Azpimarratu du hartzen diren neurriak oinarrian dauden arazoak konpontzera bideratu behar direla eta “denboran iraunkorrak izatea ezinbestekoa” dela.

Era berean, Elkargoak baieztatu du duela bi hilabete Lehen Mailako Arretaren inguruko proposamen dokumentua bidali ziela Osasun sailburuari, Osakidetzako zuzendari nagusiari eta Plangintza, Antolamendu eta Ebaluazio Sanitarioko zuzendariari, baina ez duela erantzunik jaso. 

Elkargoak Eusko Jaurlaritzari neurriak eskatu dizkio

Gipuzkoako Sendagileen Elkargoak hiru esparruetan neurriak hartzea eskatzen du Eusko Jaurlaritzara bidalitako dokumentuan.

Batetik, ekintzen kopurua mugatzea edota ataza bakoitzeko denborak errespetatzea eskatu du, agenda eta Leuzemia Unitate bakoitzaren autonomia eurek antolatzeko. Bestetik, barne komunikazio eraginkorragoaren beharra azpimarratu du, kudeaketa horizontala izateko. Horretarako, Unibertsitatean Leuzemiari buruzko ezagutza arloa sortzea esaktu du eta profesional medikuak haien ondoezaren arraoziak ulertuz, modu hurbilagoan tratatuak izan beharko luketela adierazi du. Azkenik, eskatu dute profesionalei entzuteko eta lan jardunean sumatzen diren "aspertura, nekea eta motibaziorik eza konpontzeko neurri egokiak hartzeko".