"Kalera Kalera etorkizuna da, kartzelak husteko eta bakea eta askatasuna irabazteko erronka"

  • Hilabete oso baten ondoren, amaiera heldu zaio ‘Kalera Kalera’ ekimenari. Ekitaldi jendetsuarekin itxi dute Usurbilgo Kaleragunea. Preso ohiek adierazi dutenez, bestalde, dinamikak gauzatzen jarraituko dute, “konponbide integral eta justu baten bila”. Horren harira, dei egin diete herritarrei urtarrilaren 14an Bilbon egingo den manifestazioan parte hartzeko.

Ainhoa Ortega Bretos @ob_ainhoa
2017ko urtarrilaren 09a
\'Kalera Kalera\' dinamikaren amaiera ekitaldia egin dute urtarrilaren 8an Usurbilen (Arg: Kalera Kalera)

‘Kalera Kalera’ dinamikaren amaiera ekitaldia egin dute urtarrilaren 8an Usurbilen. Presoen auzia eta gatazkaren ondorioak jendearengana gerturatzeko helburuarekin eman zioten hasiera abenduaren 10ean. Aipatutakoaren arabera, bestalde, dinamika bera ez da bukatu. Lanean jarraituko dute, “Euskal Herrian bortxazko gatazkaren ondorioen konponbide integrala helburu izango duen espazio demokratiko humanitario handi bat eratu arte”.

2016ko martxoaren 13an elkartu ziren Usurbilen lehenengo aldiz borrokaren ondorioz errepresaliatuak izan diren hainbat lagun. Konpromisoa, borroka, elkartasuna eta babesa hitzak azpimarratu zituzten egun hartako ekitaldian. Azaldu zutenez, “estatuek preso, errefuxiatu eta deportatuen arazoa bideratzeari uko egin ziotenetik, Euskal Herrian ia inork ez du egoerak eskatzen duen mailan jardun”. Hutsune hori betetzeko asmoarekin jarri zituzten abian “Amnistiaren norabidean” eta “Kalera Kalera” dinamikak. Bederatzi hilabete geroago, bide horretan aurrera jarraitzeko konpromisoa berretsi dutela azaldu dute amaiera ekitaldian, “erronka nagusia eremu soziala artikulatzea da, eta horretara bideratu behar ditugu gure indar guztiak”. Beraien webgunean irakurri daiteke adierazpen osoa: http://kalerakalera.eus/eu/albisteak.

Horrez gain, urtarrilaren 14an Bilbon egingo den manifestazioan parte hartuko dutela esan dute, eta mobilizatzeko deia egin diete herritarrei, “presoen gaiari herri gisa erantzuteko”.

 

 

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
2017-11-19 | Xabier Letona
Herrira auzia: 600 urteko kartzela eskaera presoak babesteagatik

EPPK-ko presoak defendatzea arriskutsuagoa da XXI. mendeko Espainian frankismo gorrian baino. Edo haien aldeko lan politikoa egitea, haien eskubideez arduratzea edo beren senideak diruz babestea. Salbuespenezko dena da ETA doktrinak bizi-bizi dirau.


2017-11-17 | Miren Osa Galdona
Preso gaixoen senideei babesa adierazteko kanpaina jarri du martxan Sarek

Ibon Iparragirre eta Manu Azkarate gaixo dauden presoak etxeratzeko asmoz, anbulantzia itxurako furgoneta batean joan ziren senideak espetxera, asteartean. Ekintza sinboliko horren harira, #NiEreJoangoNintzateke traolarekin babes kanpaina abiarazi du Sarek.


2017-11-17 | Xabier Letona
A call for 600 years of sentencing for supporting Basque prisoners

Standing up for EPPK (Basque Political Prisoners Collective) prisoners is a greater risk in the 21st century than it was in the worst times of the Franco regime, as is political activism in their favour, being concerned about their rights, or helping their relatives financially. The "Everything is ETA" emergency doctrine is absolutely in force.


2017-11-16 | Miren Osa Galdona
Abian da Frantziako hogei kartzela bisitatuko dituen Espetxe Bira

Bagoaz, Sare eta Etxerat elkarteek antolatuta, 24 egunez Frantziako hogei kartzela bisitatuko dituzte. 4.000 kilometro inguru egingo dituzte, Paris helburu dutela. Abenduaren 9an, “Bakea Euskal Herria eta orain presoak” lelopean presoen eskubideen alde egingo den manifestazioarekin amaituko dute.


2017-11-16 | ARGIA
Etxean preso zuten Belen Gonzalez hil da, gaixotasun baten ondorioz

Bart hil da Belen Gonzalez euskal preso politikoa Donostiako Onkologikoan, Etxeratek jakinarazi duenez.


2017-11-14 | Andoni Mikelarena
Euskal Herritik Madrilera anbulantzian, Ibon Iparragirre eta Manu Azkarateren bila

Ekimena egin du goizean Sarek Alcalá-Meco (Madril) espetxearen aurrean. Anbulantzian joan dira larri gaixo dauden euskal presoen bila.


2017-11-14 | Andoni Mikelarena
Frantziak DPS estatusa kendu die zazpi euskal presori

Ipar Euskal Herriko presoekiko ordezkaritza pozik agertu da eta lehen pauso gisa definitu du Frantziaren erabakia. Beste batzuk eman daitezen Parisko mobilizazioa mugarri izango dela uste dute ordezkaritzako kideek.


2017-11-14 | Andoni Mikelarena
Larri gaixo dauden presoak askatzeko eskatu dute Nafarroako sindikatuek

Iragan ostegunean Nafarroako Parlamentuak egindako adierazpenarekin bat egin dute sindikatuek. Foro Sozialak bultzatu du ekimena.


Alfreedo

Larunbatean beste pertsona batek potoldu zuen preso politikoen zerrenda luzea: Alfredo Ramirez amurrioarrak. Politikoa da bere espetxealdia, asmo politikoak daudelako bera urtebetez itzalpera bidaltzea posible egiten duen legean. Twitterrez idatzitako iritziak kode penalez zigortzea, politikari batzuek hala eskatuta da egun “legezko”. Eta, herriko festetan, umorez eta inori kalterik egin gabe, sakabanaketa politika ankerra salatzea kartzelan sarrarazteko adina motibo izatea... [+]


Preso gaixoei indarrean dagoen legedia aplikatzeko eskatu du Nafarroako Parlamentuak

Geroa Bai, EH Bildu, Podemos-Ahal Dugu, PSN eta I-Eren aldeko botoak jaso ditu ebazpenak. UPNren eta PPNk aurkako botoa eman dute.


Eguneraketa berriak daude