'Kalera, kalera' dinamikari babesa eskaini diote 'dispertsioaren seme-alabek' Usurbilen

  • Sakabanaketa pairatu duten hainbat gaztek presoen aldeko ekimenari sostengua erakutsi diote gaur Usurbilen. Bizitako oztopo guztien gainetik dispertsioari "hortzak erakusten" ikasi dutela adierazi dute.

Topatu.eus @topatu_eus
2016ko abenduaren 21a

Euskal Herriko txoko ugaritan presoen alde egiten ari diren ekimenei babesa adierazi diete gaur "dispertsioaren seme-alabek": sakabanaketa hurbiletik bizi izan duten gazteek, hain zuzen. Haien bizitzak espetxe politikak markatu ditu: "Askok eta askok ezagutu ditugu hamarna espetxe desberdin. Sufritu ditugu kilometroen luzerak, katxeoak, bisita galduak, kontrol polizialak… galdu ditugu gure lagunen urtebetetze festak, parrandak. Etxerako bueltan autobusetan egin ditugu etxeko-lanak, lo kuluxkak".

Oztopo guztien gainetik dispertsioari hortzak erakutsi eta elkar maitatzen ere ikasi dutela adierazi dute, ordea. Barrutik eta kanpotik "hormatzarrak" botatzera dei egin dute.

 

Dispertsioaren seme-alaben lekukotasuna:

Bat. Bi. Hiru. 100. 200. 300. Asko. Luze. Luzeegi. Zer moduz joan da bidaia?

Gaur hemen batu garen gazteok galdera horren erantzun mutua gara. Egutegian gorriz markatutako asteburuak bizi izan ditugunak. Espainiar estatuaren bazter krudelenak ezagutzen ditugunak. Gu, dispertsioaren seme-alabak gara.

Espetxe politika ankerraren adibide bat gehiago da dispertsioa. Maite ditugun senideak ikusteko jarritako traba, luzatutako bidea, ezarritako kondena. Mendekua beste asmorik ez duen erabaki politikoa da, bi estatu eta enparauek bulegoetan diseinatua.

Dispertsioarekin Euskal Preso Politikoen Kolektiboa apurtzea bilatzen zuten. Batasuna zatitu. Baina ez hori bakarrik. Senide eta lagunen gaineko eraso sistematikoa ere bada dispertsioa.

Denbora labur baterako denbora lapurtu nahi digute. Maite ditugunak besarkatzeko, kristalez banandu. Elkarrekin egoteko bisita gabe utzi.

Askok eta askok ezagutu ditugu hamarna espetxe desberdin. Sufritu ditugu kilometroen luzerak, katxeoak, bisita galduak, kontrol polizialak… galdu ditugu gure lagunen urtebetetze festak, parrandak. Etxerako bueltan autobusetan egin ditugu etxeko-lanak, lo kuluxkak.

Baina horren gainetik dispertsioari irribarre batez hortzak erakusten ere ikasi dugu, irakatsi digute. Gaur hemen bildu garen asko elkar ezagutu gara bisitetan, bidaietan. Eta beste batzuk ezagutzen ez bagara ere, barrutik ezagutzen gara.

Maite ditugunak bisitatzera joatean ikasi dugu elkar maitatzen. Bagarelako zerbaiten parte, garena eta izango garenaren parte eder bat. Herria gara.

Gaurko agerraldiarekin gure babes osoa erakutsi nahi diogu preso eta iheslari ohiek martxan jarritako “Kalera kalera” dinamikari. Baita espetxeen barrote artetik Euskal Preso Politikoen Kolektiboak burutuko duen prozesuari ere. Barrutik eta kanpotik denok batera botako ditugu hormatzarrak.

Dispertsioarekin bukatu beharra dago eta horretarako denok piztu behar dugu kandelatxoa. Su txikiz osatuko itsasoa izan behar gara, bakea eta askatasuna irabazteko.

Dispertsioarekin bukatu, preso eta iheslari politikoak kalera!

 

Albiste hau Topatuk argitaratu du eta CC-by-sa lizentziari esker ekarri dugu ARGIAra  

Kanal honetan artxibatua: Sakabanaketa

Sakabanaketa kanaletik interesatuko zaizu...
Alfreedo

Larunbatean beste pertsona batek potoldu zuen preso politikoen zerrenda luzea: Alfredo Ramirez amurrioarrak. Politikoa da bere espetxealdia, asmo politikoak daudelako bera urtebetez itzalpera bidaltzea posible egiten duen legean. Twitterrez idatzitako iritziak kode penalez zigortzea, politikari batzuek hala eskatuta da egun “legezko”. Eta, herriko festetan, umorez eta inori kalterik egin gabe, sakabanaketa politika ankerra salatzea kartzelan sarrarazteko adina motibo izatea... [+]


Senide eta lagunak ere, preso

Arabako presoek bizi dituzten salbuespen-egoerak eta eskubide urraketak mahai gainean jarriko ditu Askerock jaialdiak; Willis Drummond, Esne Beltza edota Riot Propaganda izango dira urriaren 21ean Gasteizko Mendizabalan. 


2017-09-27 | Euskal Irratiak
Luhuson, 12 oren bakearen aldeko ekimena

Larunbatean Luhuson, 12 oren bakearen deitu duten eguna izanen da. Antolatzaileetan den Paxkal Irigoien kulturgilea eta Mixel Berhokoirigoin “bakegilea” gurekin dira astearte goizean.


2017-09-19 | Xalba Ramirez
Garcia Justo euskal presoaren bikotekideak izandako istripua salatzeko protestak egiten ari da Etxerat

Dispertsio politikak zortzigarren istripua eragin duela salatu du Etxeratek. Asier Garcia Justo euskal presoaren bikotekideak irailaren 16an Badajozeko espetxera bidean zela izan zuen istripua. Elkarretaratzeetara deitu dute Hegoaldeko lau hiriburuetan.


2017-08-11 | Xalba Ramirez
Zuhaitz Errasti presoaren hurbilketa eskaera onartu du Frantziako epaile batek

Euskal Herritik 750 kilometrora dagoen Tarascon-go kartzelatik, Mont-de-Marsango kartzelara hurbildu dute Zuhaitz Errasti presoa. Administrazio epaitegi batek euskal preso baten hurbilketa eskaera onartzen duen lehen aldia da.


2017-08-08 | Lander Arbelaitz
Sakabanaketa politika "motxila" dela eta amaitzeko eskatu dute hainbat presoren alaba-semek

18 urtetik beherako 113 haur eta nerabek kartzelan dute gurasoren bat ala biak. Sarek orain gutxi espetxean hildako Kepa del Hoyoren seme Peruri eta antzeko egoera politikoan dauden gazteei hitza eman nahi izan die agerraldi batean, eta adierazi, salbuespenezko espetxe politika "motxila" bat dela gazte hauentzat bizitza egiteko. Madril eta Parisen jarrera aldatzea lortu beharra azpimarratu dute.


2017-08-07 | ARGIA
Hondartzetan salatu du Etxeratek presoen sakabanaketa politika

Igandean Euskal Herriko hondartzertara eraman dute Etxerateko kideek euskal preso politikoen sakabanaketa politikaren aurkako aldarria, urtero bezala.


2017-08-03 | ARGIA
Del Hoyoren heriotza salatzeko giza katea deitu dute ostiralean eta larunbatean manifestazioa

Galdakaoko hainbat herritarrek prentsaurrekoa eskaini dute ostegunean Kepa del Hoyo euskal preso politikoaren heriotza salatzeko. Espetxe politika aldatzeko eskatuz, aurretik deituta zegoen larunbateko manifestazio nazionalari, ekimen berria gehitu diote: ostiralean giza katea.


2017-08-03 | Ahotsa.info
Kepa Del Hoyo euskal presoari azken agurra Galdakaoko hilerrian
MULTIMEDIA - erreportajea

Galdakaoko hilerrian Kepa Del Hoyo agurtzeko egindako ekitaldia. Bertan izan dira ezker abertzaleko eta EH Bilduko ordezkariak. Presoaren heriotzaren arduraduna sakabanaketa politika dela azpimarratu nahi izan dute, eta presoak etxeratzeko indarrak batzeko deia egin dute.


2017-08-02 | Xalba Ramirez
Kepa Del Hoyoren gorpua Euskal Herrira ekarri dute

Senide eta ezker abertzaleko kideek Badajozetik Euskal Herrira ekarri dute Kepa Del Hoyoren gorpua. Astearte gauerdian Boluetako beilatokira iritsi dira eta bertan lehen omenaldia egin diote.


Eguneraketa berriak daude