Kale-saltzaileen herri sindikatuak "gizarte zibilaren aitortza" lortu nahi du; migranteen eskubideak defendatzea eta arrazismoaren aurka borrokatzea du xede, babes legala eskaintzetik harago, Directa.cat agerkariak nabarmendu duenez.
Immigranteen Guneak bultzatudu proiektua, eta kide iaz guztiak afrikar komunitateko manteroak diren arren, sustatzaileek adierazi dute saltzaile orok dituela zabalik ateak.
Zortzi ordezkari hautatu dituzte, saltzaileen ahots bilakatuko direnak Bartzelonako hiru gunetan: Gracia pasealekuan, Katalunia plazan eta Portu Zaharrean.
Sindikatua larunbatean aurkeztuko dute Can Batlló zentro autogestionatuan. Iluntzeko zortzietan hasita, hitzaldia, afaria eta kontzertua izango dira, besteren artean.
Jazarpenari aurre
Jasaten duten "jazarpen poliziala" dela-eta, hainbat protesta egin dute azkenaldian saltzaileek. Irailaren hasieran, esaterako, dozenaka lagun bildu zituen Bartzelona erdialdea zeharkatu zuen manifestazioak. Amaitzean, saltzaileetako batzuk Udaleko ordezkariekin bildu ziren, arazoa konpontzeko urratsak eman aldera. "Bilera positiboa" izan zela azaldu zuten kale-saltzaileek. Sindikatua beste pausu bat da.