Zergak saihestearen aurkako EBko politikak blokeatu zituen Junckerrek

  • Europako Batzordeko lehendakari Jean-Claude Junckerrek saihesbide fiskalen aurkako Europako politikak blokeatu zituen Luxenburgoko lehen ministro kargua zuenean, multinazionalen mesedetarako lan eginez, The Guardian egunkariak eta Ikerketa Kazetarien Nazioarteko Partzuergoak jakinarazi dutenez.

Iosu Alberdi Atxurra @atxurraa
2017ko urtarrilaren 03a
Jean-Claude Junckerrek Luxenburgoko Finantza ministro zela oztopatu zituen zerga saihestearen aurkako europar politikak (Arg.: Europako Alderdi Popularra-CC By)

1995 eta 2013 urteen artean Luxenburgoko lehen ministro izandakoak Europar Batasunak multinazionalen zerga saihesteen aurka eginiko lana oztopatu zuen, agerian geratu diren txostenen arabera. Lehen ministro izateaz gain, Finantza ministro ere izan zen, eta zerga politiketan interes handia jarri zuen.

Hainbat estatuk Enpresen Fiskalitatearen inguruko Jokabide Koderako Batzordean zuten lekua erabili zuten beren erregimen fiskalak babesteko, Europar Batasunak hitzartutako erabakien aurka eginez. Batzorde hori estatuen arteko borrokak eragozteko sortu zen 1998an, “gero eta botere handiagoa duten” enpresa multinazionalen interesen aurrean. Haiek zerga gutxiago ordaintzeko estatuen mugak zeharkatzen ibiltzen dira.

The Guardian-ek aipatutako iturrien arabera, batzorde horretan, erabakiak aho batez hartu behar dira baina estatuek akordioak blokeatzeko joera izaten dute.

Ahalegin zapuztuak

Estatu gehienen ahaleginak “atzeratu, desagerrarazi edo zapuztu” egin zituzten estatu kide txikienetako batzuek, Luxenburgok gidatuta askotan, The Guardian-ek azaldu duenez. Luxenburgok, besteak beste, kontra egin zion estatu kideen artean bakoitzak multinazionalei eskainitako akordioen inguruko informazio fiskala partekatzeko proposamenari, baita enpresen zerga saihsterako estrategiak ikertzeari ere.

Hau ez da politika fiskalekin lotutako Junckerren lehen eskandalua. 2014an Luxleaks edo “Luxenburgoko paperak” deritzonak argitaratzean estatuak 343 multinazionalekin zergak saihesteko eginiko ehunka akordio agerian geratu ziren.

Kanal hauetan artxibatua: Europako Batzordea  |  Fiskalitatea  |  Europar Batasuna

Europako Batzordea kanaletik interesatuko zaizu...
2017-12-20 | ARGIA
Polonian independentzia judizialik ez dagoela iritzita, EBko erakundeetan boto gabe utz dezakete

Poloniak azken bi urteetan egin dituen erreformek botere judizialaren independentzia arriskuan jartzen dutela iritzita, Europako Batzordeak abian jarri du herrialdea EBko erakundeetan botorik gabe utziko lukeen prozesua.


2017-12-19 | Andoni Mikelarena
Ikea ikertzen ari da Europa, zergak ez ordaintzeko egitura bat zuelakoan

Europar Batasunak ikerketa bat abiatu du altzarien multinazionalaren inguruan. Ustez zergei ihes egiteko egitura bat osatua zuen enpresa suediarrak, Holanda, Luxenburgo eta Liechtensteinen.


2017-12-17 | Jabi Zabala
"Europako arrantza kuotak zientziak dioenaren gainetik erabakitzen dira gehiegitan"

Itsas zientzietan lizentziatua eta duela urtebetetik Ekologistak Martxan taldeko Espainiako Estatuko arrantza arduraduna da Eneko Aierbe donostiarra. Arrantza jasangarria lortzeko eta Europar Batasunak arrainen berreskurapenerako ezarritako epeak betetzeko kanpaina egiten ari da azkenaldion. Egunotan –elkarrizketa hau egin ondoren– Bruselan erabaki diren gehienezko arrantza kopuruek epe horiek baldintzatuko dute.


2017-12-13 | ARGIA
Donald Tuskek sua piztu du Europan, errefuxiatuak banatzeko kuoten aurka agertu ondoren

Ostegunean biltzekoak dira Europar Batasuneko gobernuburuak eta giroa berotu du Donald Tusk Europako Kontseiluko buruak aurretik egin duen proposamenak: batasuneko herrialdeetara datozen migranteak estatu guztien artean kuota bidez banatzea ez dela eraginkorra adierazi du.


2017-11-27 | Unai Brea
OMEk kantzerigenotzat duen glifosato herbizidaren baimena bost urtez luzatuko du Europak

Europako Batzordeak 2022. urtearen amaierara arte eta baldintzarik gabe luzatuko du glifosatoaren baimena, EBko Landare, Animalia, Elikagai eta Pentsuen Batzordean (SCoPAFF) estatu kideek horren alde bozkatu eta gero. Eurolegebiltzarrak eskatua zuen bost urte barrurako erabat debekatzea 2015ean kantzerigenotzat sailkatutako konposatua.  


Brexit-a baliatuz 2023ko Europako Kultur Hiriburua kendu diote Erresuma Batuari

Erresuma Batutik dator notizia: Europako Batzordeak esan du estatu horretako hiriek ezin izango dutela 2023an Europako Kultur Hiriburutzarik eduki.


2017-11-02 | Unai Brea
Zergatik da hain garrantzitsua Monsantorentzat glifosatoa defendatzea?

2016ko hasieratik bosgarren aldiz, Europako Batzordeak ez du lortu EBko estatu kideen gehiengoa glifosato herbizidari baimena luzatzearen alde agertzea. Indarrean dagoen baimena aurtengo abenduaren 31n iraungiko da, eta beste hamar urterako berritu nahi du Batzordeak, erabilerari inolako mugarik ipini gabe.


2017-10-29 | Unai Brea
Monsantoren eskuliburua: zientzialarien lana desitxuratu, pozoia saltzen jarraitzeko

Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean IARC erakundeak –minbizia aztertzen duen OMEren menpeko organismoa– glifosatoa seguraski kantzerigenoa dela esan arren.


2017-10-13 | Unai Brea
Monsantoren eskuliburua: zientzialarien lana desitxuratu, pozoia saltzen jarraitzeko

Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean IARC erakundeak –minbizia aztertzen duen OMEren menpeko organismoa– glifosatoa seguraski kantzerigenoa dela esan arren.


Azkenak
EGILEA
Eguneraketa berriak daude