Josu Uribetxebarria hil da ostiral goizalean, Naiz-ek informatu duenez. 2012ko abuztutik baldintzapeko askatasunean zegoen, bere minbizia zela eta. Gaur 19:00etan Arrasateko herriko plazan omenaldia egingo diote, eta hileta zibila larunbatean izango da, 12:00etan Arrasateko Aldai hilerri zaharrean.
1997 urtean atxilotu zuen Guardia Zibilak, ETAk bahitutako José Antonio Ortega Lara Espainiako presondegietako funtzionarioa askatzeko burutu zuen operazioan. Epaitua izan ondoren, Ortega Lara eta Julio Iglesias Zamoraren bahiketak eta beste hiru hilketa leporatu zizkioten.
Minbizia atzeman zioten 2005ean, preso zegoela, eta aske uzteko egin zuen eskaera atzera bota zuten. Ebakuntza egin zioten, baina handik 7 urtera gaitza berpiztu zitzaion Leongo Mansillako espetxean zela.
Donostiako ospitalera eraman zuten metastasiarekin giltzurrunean zuen minbizia artatzeko, eta han gose greba abiatu zuen "tratu duina" eta askatasuna eskatuz. Euskal Herrian protesta eta elkartasun ekimen ugari egin ziren berarekin elkartasunez, baraualdiak besteak beste. Hasi eta bi astera gose greba utzi egin zuen sendagileek aginduta.
2012ko abuztuan epaileak baldintzapean aske utzi zuen "giza arrazoiengatik". Ordutik Arrasateko etxean izan da.
Josu Uribetxebarriarena Espainiako ETAren biktimen elkarteek eta hedabide eskuindarrek "gobernuaren ahultasunaren" sinbolo bilakatu dute, eta Euskal Herrian preso gaixoen egoera mahai gainean jartzeko balio izan zuen.
Beste 13 preso daude gaixo larri, Espainiako eta Frantziako espetxeetan.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"