Josu Chueca historialariak Manuel Irujo saria jasoko du larunbatean
EHUko irakasle eta ARGIAko kolaboratzaileak ikerketan eta dibulgazioan euskaraz egindako ekarpena nabarmendu du Irujo Etxea elkarteak.
Bizitza osoa “gure herriaren errealitate historikoa” ikertzen eta zabaltzen egindako lanagatik emango diote XV. Manuel Irujo saria Josu Chueca Intxaustiri (Lerin, 1956). Historian doktorea eta EHUko irakasle, batez ere euskal abertzaletasuna, Bigarren Errepublika eta 1936ko Gerra garaiak ikertu ditu, baita erbestea eta trantsizio politikoko hainbat gai ere.
Saria ematerako orduan, Irujo Etxea elkarteak oso kontuan eduki du historialariak “euskara aukeratu izana” ikerketak egiteko. Baita lehen eskuko iturriekiko duen fideltasuna eta ikerketen gardentasuna ere.
Chuecak hamarkada bat baino gehiago darama ARGIAn kolaboratzen eta ikerketak dibulgatzen. Besteak beste orrialdeotan argitaratu ditu lan sakona eskatu duten gaiez hainbat erreportaje esanguratsu, hala nola Gurseko kontzentrazio esparruari buruzkoa –liburua ere idatzia du– edota poliziak 1978an hildako German Rodríguezi buruzkoa. Guztira ziento erdi artikulu idatzi du gurean.
Joan den maiatzean ezagutarazi zuen Irujo Etxeak saridunaren izena baina hainbat arrazoi medio sari banaketa urrira arte atzeratu da. Ekitaldia urriaren 10ean izango da Lizarran. 12:30ean Santiago enparantzan agurra eta ohorezko aurreskua dantzatuko diote eta horren ondoren saria emango diote Lizarrako Mankomunitatearen egoitzako areto nagusian.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Otsailaren 21ean Missak Manouchian eta Melinée Assadourian senar-emazte armeniarren gorpuzkiak Pariseko Panteoian sartuko dituzte ohore guztiekin. Poeta eta partisano komunista, Manouchianek ekintza ikusgarriak gidatu zituen Bigarren Mundu Gerran okupaturiko Frantzian,... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]