Josep Pamies epaitu dute Lleidan, marihuanaren erabilera terapeutikoa sustatzeagatik

  • Bi urteko espetxealdia eta 16.000 euroko isuna eskatu ditu Josep Pamies baserritar eta landareetan adituarentzako Lleidako fiskalak, aurpegirauz marihuanaren kontsumoa sustatzen duela. Pamiesen inguruan sortutako Dolça Revolució elkarteak defenditu du, argudiatuz poliziak haren etxaldean aurkitutako cannabis landare guztiak elkarteko kideenak direla.

Pello Zubiria Kamino @pellozubiria
2017ko maiatzaren 26a
Josep Pamies marihuanaren ezaugarriak azaltzen. (Argazkia: Dolša Revoluciˇ)

Josep Pamies baserritar katalana ezaguna da landareen erabilera terapeutikoaz interesatzen diren askoren artean. Horien ezagutza eta erabilera autogestionatua sustatu du beti. Marihuanaren kasuan, Pamiesek aitortzen du haren oso irudi ezkorra izatetik mariak zenbait eritasun arintzeko dauak ahalmena etxean bertan ezagutzeak aldatu ziola ikuspegia.

Kultura handikoa eta hizlari aparta den baserritarra zientzialariekin eta medikuekin elkarlanean aritu da, farmaindustriaren monopolio gosea salatu du sarri eta estatuak gai hauetan ezartzen dituen debeku eta mugen etzetik jokatu izan du. Azukre kaltegarriaren ordezko hobea den Stevia landarea sustatu du eta berdin kalamua, beregana jo dutenei beti proposatu die nork bere kontsumoa arautzeko etxean haztea landareok, baina aldi berean, norbaitek produktu horien eratorriak presaz behar dituenean, Pamiesek ez du ukatzen oparitu edo saltzea ere, borondatearen truke.

Pamiestarrek Bergan daukaten etxaldea bisitatu duten guztiek zekiten han marihuana landareak bazirela, legeak autokontsumorako baimentzen dituenak baino gehiago: landareok sustatzen dituen Dolça Revolució (Iraultza Gozoa) elkarteak epaiketan argitu du bere kideenak direla, horiek edukitzeko edo lurrik edo denborarik ez dutenek Pamiesen eremuan utziak. Hala ere, fiskalak epaiketan bi urteko espetxe zigorra eta 16.000 euroko isuna eskatu ditu nekazariarentzako, auzi saioan gizona trafikatzailetzat jotzera iritsiz. Pamiesek, bere ohiko estilo gozo baina sendoan, erantzun du berak badakiela zein estua den legea Espainian eta epaia bere gain hartuko duela, kondenatzen badute bezala errugabe ateratzen bada. Eta berriro ere eskatu du marihuanaren erabilera terapeutikoa legezta dezaten. 

Hona 2016ko irailean, epaileak lehenbiziko aldiz deklaratzera deitu zuenean, bideoz utzi zuen lekukotasuna:

 

 

Kanal hauetan artxibatua: Marihuanaren legeztatzea  |  Osasuna

Marihuanaren legeztatzea kanaletik interesatuko zaizu...
4.200 marihuana porro banatuko dituzte Donald Trumpen inbestidura saioan

AEBetako presidentearen arreta piztu nahi du Columbia Barrutiko Marihuana Koalizioak, “martxan jar dezan marihuana maila federalean legalizatzeko erreforma”.  


2016-02-15 | Hamaika Telebista
Kalamua: osasunaren gaineko kezka ala interes ekonomiko eta politikoak?
MULTIMEDIA - Ertzak

Pannagh kalamuaren kontsumitzaile elkartearen egoera aztertu dute Ertzak saioan. Izan ere, osasun publikoaren kontra egiteagatik hainbat kide zigortu dituzte. 2011.urtean hasi zen auzia, baina gaur arte luzatu da. Epailearen irakurketa politikoa dela salatu dute kideek, eta kalamuaren gaineko pertzepzio soziala aldatzen joan dela nabarmendu. Martin Barriuso Pannagh elkarteko presidentearekin eta Aitor Brion abokatuarekin hitz egin dute.


Marihuanak zelula minbizi-eragileak hiltzen dituela frogatu dute

Kalamuak duen THC osagaiak zelula minbizi-eragileak beren buruaz beste egitera bultzatzen dituela frogatu du Cristina Sanchez Madrilgo Unibertsitate Konplutentseko biokimika molekularreko ikertzaileak. Kanabisaren eratorriek tumore mota guztiei eragiten dietela azaldu du.


2015-05-04 | Igor Agirre
Kalamu elkarteak EAEn erregularizatuko dituen legearen aurka Espainiako Gobernua

Eusko Legebiltzarra kalamu elkarteak erregularizatuko dituen lege proposamena eztabaidatzear da. Espainiako Gobernua, ordea, ez dago ados lege proposamenarekin eta Eusko Jaurlaritzaren testuaren aurkako idatzia bidali du Gasteizko legebiltzarrera.


2014-07-28 | Judith Perez
The New York Times egunkaria, marihuana legeztatzearen alde

“Alkohola marihuana baino kaltegarriagoa da osasunerako”. Premisa horretatik abiatuta The New York Times egunkaria AEBetan marihuana legalizatzearen alde agertu da, pasa den igandean argitaratutako editorialean.


2014-05-13 | ARGIA
Kalamu klubak arautzeko eskaera aurrera atera da Nafarroan

Zerbitzu juridikoak aurka agertu arren, Nafarroako Legebiltzarreko Mahaiak onartu du kalamuaren aldeko taldeak erregulatuko lituzkeen herri proposamena tramitatzea, PSN, Bildu, Aralar eta I-Eren botoei esker. PPk eta UPNk aurka bozkatu dute.


Marihuanaz hizketan hasi dira EAEko Legebiltzarrean

EAEko Legebiltzarrean berriz jarri da martxan kalamuaren kontsumo elkarteak erregulatzea helburu duen ponentzia. Beren jarduerarekin modu egonkor batean jarrai dezaten txosten bat prestatzekotan dira.


2013-04-02 | Lide Hernando
Txile, marihuana legeztatzera bidean

Txileko Goi Ganberak onartu du kalamuaren erabilera pertsonala legeztatzeko aukera eztabaidatzea. Alderdi Sozialistako (PS) eta Alderdi Demokratikoko (PPD) bi senatarik egin zuten eskaria, eta 18 aldeko boto eta 11 kontrako izan dituzte batzarrean.


2011-12-14
Jaurlaritzak kalamuaren legeztatzea baztertu du, proposamena aurkeztu eta egun bat geroago

Eusko Jaurlaritzak kalamua legeztatzeko asmorik ez duela adierazi zuen atzo, herenegun marihuanaren "kontsumo arduratsua" onartuko zuela iragarri bazuen ere. Osasun sailak aurkeztutako datorren urterako Menpekotasunen VI. Planaren barruan kalamuaren landatzea, salmenta eta kontsumoa arautzea proposatu zuen. Idoia Mendia Jaurlaritzako bozeramaileak ordea, aukera hori baztertu zuen atzo, eskumenik ez dutela argudiatuz.


2011-12-13
Kalamuaren kontsumo "arduratsua" onartu nahi du Jaurlaritzak

Eusko Jaurlaritzako Osasun Sailak Menpekotasunen VI. Plana aurkeztu zuen atzo. Horren arabera, datorren urte hasieran aurkeztuko duten Menpekotasun Legeak kalamua landatzea, saltzea eta kontsumitzea arautuko du. Zehazki, adinez nagusi direnek kalamuaren kontsumo "arduratsua" egitea onartuko du legeak eta "autonomia pertsonalaren alde" egingo du. Bide batez, gai honetan dauden hutsune legalekin amaitzea da helburua.


Azkenak
EGILEA
Eguneraketa berriak daude