Euzkadi S.A. El gen corrupto del PNV liburua argitaratu du Ahoztar Zelaietak Hincapié aldizkariarekin. Egilearen esanetan “diagnosia da, EAJri lotutako ustelkeria ulertzeko faktore determinanteak” aztertzen ditu liburu honetan. Ustelkeriari lotutako bosgarren goiburua du aurtengoa, izan ere, duela bost urte Txalapartarekin argitaratu zuen Jóvenes Burukides Bizkainos, ondoren La Casta vasca, hirugarrena Kutxabank, el saqueo de Euskal Herria eta laugarrena Evasores, morosos y millonarios vascos, Panamako paperen harira.
Zelaietaren esanetan ustelkeria azaltzen duen “DNA berezi bat aurkitu dugu, EAJ beste alderdietatik berezi egiten duena”. Azterketa hori egin orduko “zergatik ez dago hedabideen aldetik kasu horiekiko arreta handirik?” galdera sortu zaio Zelaietari.
Zenbait datu bildu ditu Zelaietak, galdera horiek argitzeko, baina irakurlearen esku uzten du erantzuna. “Nik galderak egiten ditut, ez erantzunak”, esan digu Zelaietak, baina gizarteari dagokionez, onarpena sumatu du Zelaietak urteotan: “batzuek eta besteek beste alde batera begiratuz onartu egin dute ustelkeria, ezinbestez gertatu beharrekoa balitz”. Zelaietaren arabera, horrek gurean ustelkeria “hipernormalizatzea” bultzatu du.
Albiste hau Bilbo Hiria irratiak argitaratu du eta CC-by-sa lizentziari esker ekarri dugu ARGIAra.
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.