Jean Lassallek buru egin dio Emmanuel Macronen uholdeari

  • Macron uholdea sentitu da Ipar Euskal Herrian ere. Frantziako Legebiltzarrean egonen diren hiru diputatuetarik bi presidentearen Errepublika Martxan mugimendukoak dira: Vincent Bru eta Florence Lasserre-David. Hirugarrena Jean Lassalle da. 2002 urteaz geroz Legebiltzarrean dagoen biarnesa. Bozketen bigarren itzulian izandako abstentzio handia ere azpimarratzekoa da. Bigarren itzulian ez egon arren, bozketa horietan egin emaitzaz “oso pozik” agertu da EH Bai.

Jenofa Berhokoirigoin @Jenofa_B
2017ko ekainaren 19a

 

Alderdi Sozialistaren porrota gertatu da Ipar Euskal Herrian ere: Sylviane Alaux lehen itzulian berean gelditu zen lehiatik kanpo eta Colette Capdevielle aldiz bigarrenean

Emmanuel Macron presidente berriak osatu Errepublika Martxan mugimenduak (EM) lehen itzulian jaso sostengua ikusirik eta bigarren itzulirako aurreikusitako Macron uholdea kontutan harturik, ez da sorpresa handirik gertatu. Laugarren bozka barrutiak sortzen zuen jakin-min eta zalantza gehien. Hain zuzen, buru-burukoan zirelako Macron fenomenoari esker garaile ateratako Loic Corrégé ezezaguna (botoen %25,41 lehen itzulian) eta aspaldian kargua daukan Lassalle (botoen %17,71).

Abstentzio handia ere nabarmentzekoa da: %46,63 laugarren hautes-barrutian, %55,43 bosgarrenean eta  %56,88 seigarrenean. Frantzian izandako Alderdi Sozialistaren porrota gertatu da Ipar Euskal Herrian ere: Sylviane Alaux lehen itzulian berean gelditu zen lehiatik kanpo eta Colette Capdevielle aldiz bigarrenean. Abertzalerik ez da egon bigarren itzulian. Iragan igandean hirugarren indar ateratako EH Bai koalizioak ez zuen boto konsignarik eman. EAJk haatik Bru eta Capdeviellen alde egiteko deia luzatu zuen.

*  *  *

Jean Lassalle: usu falta, baina beti hor

Jakina da Legebiltzarrean duen aulkia usu hutsik gelditzen dela. Adibidez, Legebiltzarreko finantza komisioko partaide izan arren, batzordearen bileren %85etara ez da agertu. Legebiltzarrean egindako hitz-hartzeei edota emendakinei doakienez, gutxien egiten dituztenen artean sailkatzen da. Baina berdin dio, Zuberoa, Nafarroa Beherea eta Lapurdiko zatitxo bat (baita Biarnoren zati bat) biltzen dituen barrutiko hautesleek behin eta berriz adierazten diote sostengua. 2002az geroztik du diputatu aulkia. “Artzain bat Eliseoan” izenburuarekin publikaturiko azken liburua duela froga, baserri munduaren ordezkaritzat dauka bere burua. Ezin uka hori gogoko dutela bozkatzaileek eta horrek duela laguntzen garaipenera. Kontutan harturik ikastolei buruz berriki egin oharra (armen kudeaketa irakasteko gune direla) edota bake prozesuaren aldarria entzunarazten ez ibili izana, suposatu daiteke ez duela abertzaleen botorik jaso.

Florence Lasserre-David: Bayrouren hurbilekoa

Botoen %57,03 eginik, aulkia hartu dio Capdevielleri. Alderdi zentristan militante egonik, urteak daramatza hautetsi gisa 36 urteko diputatu gazteak. Angeluko auzapez-ordea eta Pirinio Atlantikoetako departamendu mailako kontseilaria ere da. François Bayrou Justizia ministroaren hurbilekoa izanki, EM-en hautagai izendatu izanak ez zuen sorpresa eragin. Ez da ordea mugimenduak irudikatu nahi duen aldaketa eta berritasunaren etsenplu.

Aldarrikapen abertzale edota euskaltzaleei doakienez, ez da sostengua adierazi ohi duten hautetsien artean kokatzen. Tartean aipatu daiteke Bagoaz kolektiboak hautagaiei bidalitako galderei erantzun ez izana. Bake prozesuaren edota preso politikoen eskubideen errespetuaren eskakizuna Legebiltzarrera eramateko engaiamendua hartzen ote zuen galdetzen zion kolektiboak.

Vincent Bru: batean eskuinean, bestean ezkerrean

Seigarren barrutiko botoen %62,51 bildurik, garaipen argia lortu du Bruk. Politikaren munduan ezaguna da: Kanboko auzapeza eta departamendu mailako kontseilari da. Diputatu kargua osoki betetzeko, beste postuetan dimisioa emanen duela jakinarazi du. Iragana eskuinean du, baina Legebiltzarretarako bere burua zentroan kokatu du, Macronen mugimenduaren barne den Modem alderdi zentristaren etiketarekin aurkeztuz. Legebiltzarretarako aitzineko hauteskundeetan demagun, Michele Alliot-Marieren (UMP) ordezko aurkeztu zen. Herriko Etxerako bozketetan ere eskuindar gisa presentatu zen. EMen hautagai aukeratu izanak iskanbila sortu zuen. Batez ere, gay eta lesbianen ezkontzaren aurkako manifestua izenpetu zuelako. Hor ere kolpez jarreraz aldatu du, izenpedura kentzea galdetuz. Beste bi diputatuek ez bezala, bake prozesuaren gaia eta presoen eskubideen errespetuaren eskaera Legebiltzarrera eramateko konpromisoa hartu du. 

 


Azkenak
Podemos-Ahal Duguk nafar parlamentari kritikoei aktak itzultzeko eskatu die

Herritarren Kontseiluak berretsi du ohar horretan, parlamentuan, Laura Perezek, Fanny Carrillok, Ruben Velascok eta Carlos Cousok hartutako bidea arduragabea dela eta talde parlamentarioaren araudia hautsi dutela. Euren aktak alderdiko beste kideei uzteko exijitu diete. Barne-gatazka delakoan oraingoz ez dute publikoki erantzunik eman lau parlamentariek.


2018-02-19 | Hiruka .eus
Komunikazioko Talde Kritikoa: "Industria mediatikoaren araberako ikasgaiak ditugu"

Gaur egungo hezkuntza-eredua eta unibertsitatea bera garaiko sistemaren "erreminta bat" baino ez dira EHUko Gizarte eta Komunikazio Zientzien Fakultateko hainbat ikasleren ustez.


2018-02-19 | Hala Bedi
Arabako Gazte Feministen II. Topaketak burutu dituzte Zuian

Otsailaren 17an ospatu zituzten Zuian Arabako Gazte Feministen II. Topaketak, herrialdeko eragile ezberdinetako kideak bilduz Gaztetxean. Arabako neska gazte feministen diskurtsoa eta erantzun moldeak izan zituzten aztergai, beste kontu askoren artean.


2018-02-19 | Uriola.eus
Gaur hasiko da Zinegoak Jaialdia

Beste urte batez, Arriaga Antzokian izango da Zinegoak jaialdiaren hasierako ekitaldia. Aurten, Leire Ruiz eta Diego Perez izango dira aurkezleak, eta Rodrigo Cuevasen emanaldia antolatu dute.


2018-02-19 | ARGIA
Rovira eta Pascal libre, lehena 60.000 euroko fidandatzekin

60.000 euroko fidantza jarri dio Pablo Llarena Auzitegi Nagusiko epaileak eta libre utzi du ERCko idazkari nagusia. Urriaren 1eko antolaketaren goi mailako taldean egotea leporatu dio. Marta Pascal PdCATeko buruzagia libre utzi baldintzarik gabe.


2018-02-19 | Laborari
Maite Barberarena, erizainen grebaz: "Ez gara makina batekin ari, jendeak dira!"

Maite Barberarena erizain laguntzaile ari da Isturitzeko Pausa Leku zahar etxean. Menpekotasun egoeran diren zaharren zaintzan ari diren profesionalek urtarrilean greba handia egin zuten Frantziako Estatu osoan, beren eskuetan dauzkaten zaharrak hobeki zaintzeko lan baldintza egokiak eskatzeko.


Kurduekin borrokan ari ziren hiru internazionalista europar hil dituzte Sirian

Bretagne.info-k jaso duenez, Olivier François Jean Le Clainche bretoia, Herbereetako Sjoerd Heeger eta Samuel Prada León galiziarra hil dituzte Siriako Afrin kantoian, YPG milizia kurduekin borrokatzen ari zirela.


2018-02-19 | ARGIA
Ostegunean emango dute Ion Paroten baldintzapeko askatasunari buruzko epaia

Ion Parot euskal presoa baldintzapean aske uztea eskatu zuten larunbatean ehunka herritarrek Baionan. Datorren ostegunean ebatziko du Parisko Dei Auzitegiak erabakia. Epaileak eskaria onartu bazuen ere, prokuradorea ez da iritzi berekoa.  


Sánchez Corbí: Espainian heroi egin duten torturatzailea

Iragan iluna duen pertsona da Manuel Sánchez Corbí, bere burua behin eta berriz libratu duena mesede politikoei esker. Tortura kasuengatik kondenatua eta kargua betetzeko gaitasuna kenduta, José María Aznar Espainiako gobernuburuak indultua eman zion eta orain Guardia Zibil judizialeko (UCO) burua da. Erreportaje hau Kaosenlared.net-en argitaratu da.


Azkenak
EGILEA
Eguneraketa berriak daude